ન્યૂઝ અપડેટ્સ
ન્યૂઝ અપડેટ્સ
VTV / ધર્મ / 14 સપ્ટેમ્બરે હરતાલિકા તીજ અને ગણેશ ચતુર્થી એક જ દિવસે, જાણો બંને વ્રતની પૂજા અને પારણાના જરૂરી નિયમો!
7 ફોટો ગેલેરી
Last Updated: 12:15 PM, 13 September 2026
FOLLOW ON
શેર કરો
1/7
પંચાંગની ગણતરી મુજબ 14 સપ્ટેમ્બરે સૂર્યોદય સમયે તૃતીયા તિથિ રહેશે અને સવારે 7:06 વાગ્યા સુધી હરતાલિકા તીજની તિથિ રહેશે. ત્યારબાદ ચતુર્થી તિથિ શરૂ થશે અને મધ્યાહન સમયે ચતુર્થી હોવાથી ગણેશ ચતુર્થી પણ 14 સપ્ટેમ્બરે જ ઉજવાશે.હરતાલિકા તીજમાં ભગવાન શિવ અને માતા પાર્વતીની પૂજા કરવામાં આવે છે જ્યારે ગણેશ ચતુર્થીમાં ભગવાન ગણેશની આરાધના કરવામાં આવે છે. જોકે અલગ-અલગ શહેરોના પંચાંગ પ્રમાણે પૂજા અને પારણાના સમયમાં થોડો ફેરફાર થઈ શકે છે.
આ તસવીર શેર કરો
2/7
ભાદરવા સુદ ત્રીજની તિથિ 13 સપ્ટેમ્બર 2026ના રોજ સવારે 7:08 વાગ્યે શરૂ થશે અને 14 સપ્ટેમ્બરે સવારે 7:06 વાગ્યે પૂરી થશે. ઉદયા તિથિના નિયમ પ્રમાણે 14 સપ્ટેમ્બરે હરતાલિકા તીજનું વ્રત રાખવામાં આવશે.આ દિવસે મહિલાઓ ભગવાન શિવ અને માતા પાર્વતીની પૂજા કરીને સુખી દાંપત્ય જીવન અને પતિના લાંબા આયુષ્યની કામના કરે છે. અવિવાહિત યુવતીઓ પણ મનગમતો જીવનસાથી મળે તેવી માન્યતા સાથે આ વ્રત રાખે છે.
આ તસવીર શેર કરો
ADVERTISEMENT
3/7
14 સપ્ટેમ્બરે હરતાલિકા તીજની પૂજા માટે સવારનો સમય શુભ માનવામાં આવે છે. પંચાંગની ગણતરી મુજબ સવારે 6:05 વાગ્યાથી 7:06 વાગ્યા સુધી પૂજાનો સમય રહેશે. આ દરમિયાન ભગવાન શિવ અને માતા પાર્વતીનું પૂજન કરી શકાય છે. જોકે પૂજાના મુહૂર્તમાં શહેર પ્રમાણે થોડો તફાવત થઈ શકે છે. તેથી પોતાના શહેરના સ્થાનિક પંચાંગ પ્રમાણે ચોક્કસ સમય જોવો યોગ્ય રહેશે.
આ તસવીર શેર કરો
4/7
ચતુર્થી તિથિ 14 સપ્ટેમ્બર 2026ના રોજ સવારે લગભગ 7:06 વાગ્યે શરૂ થશે અને 15 સપ્ટેમ્બરની સવાર સુધી રહેશે. મધ્યાહન સમયે ચતુર્થી તિથિ હોવાથી ગણેશ ચતુર્થી 14 સપ્ટેમ્બરે જ ઉજવવામાં આવશે. દિલ્હીના પંચાંગ મુજબ ભગવાન ગણેશની પૂજા માટે સવારે 11:02 વાગ્યાથી બપોરે 1:31 વાગ્યા સુધીનો સમય શુભ જણાવાયો છે. અન્ય શહેરોમાં આ સમયમાં થોડો ફેરફાર થઈ શકે છે.
આ તસવીર શેર કરો
ADVERTISEMENT
5/7
હરતાલિકા તીજનું વ્રત ઘણી મહિલાઓ નિર્જળા રાખે છે. બીજી તરફ ગણેશ ચતુર્થીમાં પણ પોતાની પરંપરા પ્રમાણે વ્રત રાખવામાં આવે છે. આ વખતે બંને પર્વ એક જ દિવસે હોવાથી જે મહિલાઓ બંને વ્રત રાખવા માંગે છે તેઓ પોતાની શ્રદ્ધા, સંકલ્પ અને પરિવારની પરંપરા પ્રમાણે બંનેની પૂજા કરી શકે છે.સવારે પહેલા હરતાલિકા તીજની પૂજા કરી શકાય છે. ત્યારબાદ મધ્યાહન સમયે ભગવાન ગણેશની સ્થાપના કરીને ગણેશ ચતુર્થીની પૂજા કરી શકાય છે. કેટલીક ધાર્મિક પરંપરામાં હરતાલિકા પૂજા બાદ પૂજા સામગ્રી અને માટી કે રેતીથી બનાવેલી મૂર્તિના વિસર્જન પછી ગણેશ સ્થાપના કરવાની માન્યતા છે. તેથી ઘરની પરંપરા અને સ્થાનિક પંડિતની સલાહ પ્રમાણે પૂજાનો ક્રમ નક્કી કરવો યોગ્ય રહેશે.
આ તસવીર શેર કરો
6/7
હરતાલિકા તીજનું વ્રત ઘણી જગ્યાએ નિર્જળા રાખવામાં આવે છે અને તેનું પારણું બીજા દિવસે કરવાની પરંપરા છે. તેથી માત્ર ગણેશ ચતુર્થીની પૂજા પૂરી થયા બાદ હરતાલિકા તીજનું વ્રત તોડી દેવું જરૂરી નથી.વ્રતનું પારણું પોતાની પરંપરા અને સ્થાનિક પંચાંગમાં જણાવેલા સમય પ્રમાણે કરવું જોઈએ. ખાસ કરીને નિર્જળા વ્રત રાખનાર મહિલાઓએ પોતાની તબિયતનું પણ ધ્યાન રાખવું જરૂરી છે. કોઈ સ્વાસ્થ્ય સમસ્યા હોય તો વ્રત રાખતા પહેલાં ડૉક્ટરની સલાહ લેવી યોગ્ય છે.
આ તસવીર શેર કરો
ADVERTISEMENT
7/7
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
