ન્યૂઝ અપડેટ્સ
ન્યૂઝ અપડેટ્સ
VTV / ગુજરાત / અન્ય જિલ્લા / આગામી 3 દિવસ મેઘતાંડવની આગાહી, નવસારી-વલસાડમાં રેડ અને અનેક જિલ્લાઓમાં ઓરેન્જ-યલો ઍલર્ટ
8 ફોટો ગેલેરી
Last Updated: 06:30 AM, 13 September 2026
FOLLOW ON
શેર કરો
1/8
ગુજરાતમાં વરસાદની રાહ જોઈ રહેલા લોકો અને ખાસ કરીને ખેડૂતો માટે હવામાન વિભાગે મોટી આગાહી કરી છે. કચ્છ-સૌરાષ્ટ્ર સહિતના વિસ્તારોમાં વરસાદની મોટી ઘટ વચ્ચે હવે રાજ્યમાં ફરી વરસાદી હવામાન સક્રિય થયું છે. હવામાન વિભાગના જણાવ્યા અનુસાર લો-પ્રેશર, મોનસૂન ટ્રફ, વેસ્ટર્ન ડિસ્ટર્બન્સ સહિતની વરસાદી સિસ્ટમ સક્રિય થવાના કારણે 12થી 15 સપ્ટેમ્બર દરમિયાન દક્ષિણ ગુજરાત, મધ્ય ગુજરાત અને સૌરાષ્ટ્ર સહિતના વિસ્તારોમાં ભારેથી અતિભારે વરસાદ પડી શકે છે. આગામી 3 દિવસ મેઘતાંડવની આગાહી વચ્ચે દક્ષિણ ગુજરાત અને સૌરાષ્ટ્રના કેટલાક જિલ્લાઓ માટે રેડ અને ઓરેન્જ ઍલર્ટ પણ જાહેર કરવામાં આવ્યા છે.
આ તસવીર શેર કરો
2/8
12 સપ્ટેમ્બરની આગાહી પ્રમાણે શનિવારે દક્ષિણ ગુજરાતમાં ભારેથી અતિભારે વરસાદની શક્યતા છે. ડાંગ, નવસારી અને વલસાડ જિલ્લામાં ઓરેન્જ ઍલર્ટ જાહેર કરવામાં આવ્યું છે. જ્યારે આણંદ, વડોદરા, છોટા ઉદેપુર, નર્મદા, ભરૂચ, સુરત અને તાપી જિલ્લામાં ભારે વરસાદની આગાહીને પગલે યલો ઍલર્ટ આપવામાં આવ્યું છે. આ ઉપરાંત આગામી દિવસોમાં રાજ્યના અનેક જિલ્લાઓમાં વરસાદી માહોલ વધુ સક્રિય થવાની શક્યતા છે.
આ તસવીર શેર કરો
ADVERTISEMENT
3/8
આવતીકાલે 20 જિલ્લામાં ઍલર્ટ જાહેર કરવામાં આવ્યું છે. તેમાં નવસારી અને વલસાડ માટે રેડ ઍલર્ટ છે. અમરેલી, ભાવનગર, ભરૂચ, સુરત, તાપી અને ડાંગ જિલ્લામાં ઓરેન્જ ઍલર્ટ જાહેર કરાયું છે. જ્યારે અમદાવાદ, પોરબંદર, રાજકોટ, બોટાદ, જૂનાગઢ, ગીર સોમનાથ, આણંદ, વડોદરા, નર્મદા, પંચમહાલ, દાહોદ અને છોટા ઉદેપુર જિલ્લામાં યલો ઍલર્ટ આપવામાં આવ્યું છે.
આ તસવીર શેર કરો
4/8
14 સપ્ટેમ્બરની આગાહી પણ મહત્વની છે. આ દિવસે નવસારી, વલસાડ, પોરબંદર, જૂનાગઢ અને ગીર સોમનાથ જિલ્લામાં ઓરેન્જ ઍલર્ટ જાહેર કરવામાં આવ્યું છે. જ્યારે કચ્છ, દેવભૂમિ દ્વારકા, જામનગર, મોરબી, રાજકોટ, સુરેન્દ્રનગર, બોટાદ, ભાવનગર, અમરેલી, ભરૂચ, સુરત, તાપી અને ડાંગ જિલ્લામાં યલો ઍલર્ટ રહેશે. આ વિસ્તારોમાં ભારે વરસાદની શક્યતાને ધ્યાનમાં રાખીને હવામાન વિભાગે આગાહી જાહેર કરી છે.
આ તસવીર શેર કરો
ADVERTISEMENT
5/8
15 સપ્ટેમ્બરની આગાહી મુજબ જામનગર, દેવભૂમિ દ્વારકા, પોરબંદર, જૂનાગઢ અને ગીર સોમનાથ જિલ્લામાં ભારે વરસાદની શક્યતા છે. આ જિલ્લાઓ માટે હવામાન વિભાગે યલો ઍલર્ટ જાહેર કર્યું છે. એટલે આગામી દિવસોમાં ખાસ કરીને સૌરાષ્ટ્ર અને દક્ષિણ ગુજરાતના અનેક વિસ્તારોમાં વરસાદી માહોલ જોવા મળી શકે છે.
આ તસવીર શેર કરો
6/8
ગુજરાતમાં વરસાદની આગાહી પાછળ એક નહીં પરંતુ 4 વરસાદી સિસ્ટમ સક્રિય હોવાનું હવામાન વિભાગે જણાવ્યું છે. તેમાં સૌથી મહત્વપૂર્ણ લો-પ્રેશર સિસ્ટમ છે. ઉત્તરપશ્ચિમ-મધ્યપશ્ચિમ બંગાળની ખાડી અને તેને અડીને આવેલા દક્ષિણ ઓડિશા-ઉત્તર આંધ્રપ્રદેશના દરિયાકાંઠા પર સર્જાયેલું લો-પ્રેશર 12 સપ્ટેમ્બર 2026ના રોજ સવારે 08:30 વાગ્યે દક્ષિણ છત્તીસગઢ અને તેની આસપાસના વિસ્તારમાં સ્થિર થયું છે. તેની સાથે સંકળાયેલું ચક્રવાતી પરિભ્રમણ દરિયાઈ સપાટીથી 7.6 કિલોમીટર સુધીની ઊંચાઈએ વિસ્તરેલું છે અને ઊંચાઈ સાથે દક્ષિણ-પશ્ચિમ તરફ નમેલું છે. આગામી 24 કલાકમાં આ સિસ્ટમ દક્ષિણ છત્તીસગઢ અને વિદર્ભ થઈને પશ્ચિમ-ઉત્તરપશ્ચિમ તરફ આગળ વધે તેવી શક્યતા છે.
આ તસવીર શેર કરો
ADVERTISEMENT
7/8
આ ઉપરાંત મોનસૂન ટ્રફ પણ સક્રિય છે. સરેરાશ દરિયાઈ સપાટી પર આ ટ્રફ જેસલમેર, રાજગઢ, બેતુલ, દક્ષિણ છત્તીસગઢ અને આસપાસના લો-પ્રેશરના કેન્દ્રથી પસાર થઈને ગોપાલપુર તરફ આગળ વધે છે અને પૂર્વ-દક્ષિણપૂર્વ દિશામાં મધ્ય-પૂર્વ બંગાળની ખાડી સુધી વિસ્તરેલી છે. આ ટ્રફ દરિયાઈ સપાટીથી 1.5 કિલોમીટર સુધીની ઊંચાઈએ છે. તેની સાથે વેસ્ટર્ન ડિસ્ટર્બન્સ પણ સક્રિય છે. ઉત્તર પાકિસ્તાન અને તેને અડીને આવેલા જમ્મુ વિસ્તારમાં દરિયાઈ સપાટીથી 3.1થી 4.5 કિલોમીટરની વચ્ચે ચક્રવાતી પરિભ્રમણ તરીકે વેસ્ટર્ન ડિસ્ટર્બન્સ સક્રિય હોવાનું જણાવાયું છે. બીજી તરફ નીચલા સ્તરે નૈઋત્યથી પશ્ચિમી પવનો ફૂંકાઈ રહ્યા છે. આ તમામ હવામાન પરિબળોના કારણે ગુજરાતમાં આગામી દિવસોમાં વરસાદી પ્રવૃત્તિ વધવાની શક્યતા છે.
આ તસવીર શેર કરો
8/8
આમ, ગુજરાતમાં લાંબા વિરામ બાદ ફરી વરસાદી સિસ્ટમ સક્રિય થતાં આગામી 3 દિવસ રાજ્ય માટે મહત્વના બની શકે છે. ખાસ કરીને રેડ અને ઓરેન્જ ઍલર્ટવાળા જિલ્લાઓમાં ભારે વરસાદની શક્યતા હોવાથી સ્થાનિક તંત્ર અને લોકોને સાવચેતી રાખવી જરૂરી રહેશે. ખેડૂતો માટે પણ આ વરસાદ રાહતરૂપ બની શકે છે, કારણ કે રાજ્યના અનેક વિસ્તારોમાં વરસાદની ઘટ વચ્ચે પાકને પાણીની જરૂરિયાત છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
