દુઃખદ / જેતપુરમાં બસ-રિક્ષા-બાઈક વચ્ચે ત્રિપલ અકસ્માતમાં યુવકનું મો*ત, ઉપલેટામાં ST-ખાનગી બસ અથડાતાં મહિલાનું મો*ત, 14 લોકો ઈજાગ્રસ્ત!

રાજકોટ જિલ્લાના જેતપુરમાં ખારચીયા ગામ પાસે બસ, રિક્ષા અને બાઈક વચ્ચે ગંભીર ત્રિપલ અકસ્માત સર્જાયો હતો. અકસ્માતમાં બાઈકચાલક યુવકનું ઘટનાસ્થળે જ મોત નીપજ્યું હોવાનું સામે આવ્યું છે. જ્યારે અન્ય પાંચ લોકોને ગંભીર ઈજાઓ પહોંચી છે. પ્રાપ્ત માહિતી અનુસાર, ખારચીયા ગામ નજીક બસ, રિક્ષા અને બાઈક વચ્ચે અકસ્માત સર્જાતા અફરાતફરીનો માહોલ સર્જાયો હતો. અકસ્માત એટલો ગંભીર હતો કે બાઈકચાલક યુવકનું મોત થયું હતું.

ઈજાગ્રસ્તોને સારવાર અર્થે ખસેડાયા

અકસ્મતમાં અન્ય પાંચ લોકોને ગંભીર ઈજાઓ પહોંચતા તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. ઘટનાની જાણ થતાં પોલીસ પણ સ્થળ પર પહોંચી હતી અને અકસ્માત અંગે વધુ તપાસ હાથ ધરી છે.અકસ્માત કેવી રીતે સર્જાયો અને તેની પાછળનું ચોક્કસ કારણ શું છે તે અંગે પોલીસ દ્વારા તપાસ કરવામાં આવી રહી છે. અકસ્માતને પગલે માર્ગ પર થોડા સમય માટે ટ્રાફિક પણ પ્રભાવિત થયો હતો.

રાજકોટ જિલ્લાના ઉપલેટા તાલુકાના મોટી પાનેલી ગામ નજીક એસટી બસ અને ખાનગી બસ વચ્ચે ગંભીર અકસ્માત સર્જાતા એક મહિલાનું મોત નીપજ્યું છે. અકસ્માતમાં આશરે 9 મુસાફરો ઈજાગ્રસ્ત થતાં તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. પ્રાપ્ત માહિતી મુજબ, જામનગર-ઉના રૂટ પર દોડતી એસટી બસ મોટી પાનેલી ગામ નજીકથી પસાર થઈ રહી હતી ત્યારે ખાનગી બસ સાથે તેનો અકસ્માત થયો હતો. અકસ્માત એટલો ગંભીર હતો કે બસમાં સવાર મુસાફરોમાં અફરાતફરીનો માહોલ સર્જાયો હતો.

મહિલાને ગંભીર ઈજાઓ પહોંચતા તેનું મોત થયું હોવાનું સામે આવ્યું

અકસ્મતમાં એક મહિલાને ગંભીર ઈજાઓ પહોંચતા તેનું મોત થયું હોવાનું સામે આવ્યું છે. જ્યારે આશરે 9 જેટલા મુસાફરો ઈજાગ્રસ્ત થયા હતા. ઈજાગ્રસ્તોને 108 સહિતની મદદથી નજીકની હોસ્પિટલમાં સારવાર માટે ખસેડવામાં આવ્યા હતા. અકસ્મતમાં એસટી બસના ડ્રાઇવર અને કંડક્ટરને પણ ગંભીર ઈજાઓ પહોંચી હોવાનું જાણવા મળી રહ્યું છે. બંનેને સારવાર માટે હોસ્પિટલમાં ખસેડવામાં આવ્યા છે.

આ પણ વાંચોઃ 24 કલાકમાં 193 તાલુકામાં વરસાદ, ઉકાઈમાં 11.81 ઈંચ ખાબક્યો; દક્ષિણ ગુજરાતથી સૌરાષ્ટ્ર સુધી વરસાદથી ખેડૂતોમાં ખુશી!

પોલીસનો કાફલો ઘટનાસ્થળે પહોંચ્યો

અકસ્મતાની જાણ થતાં સ્થાનિક લોકો અને પોલીસનો કાફલો ઘટનાસ્થળે પહોંચ્યો હતો. અકસ્માત કેવી રીતે સર્જાયો અને તેની ચોક્કસ કારણો અંગે પોલીસ દ્વારા તપાસ હાથ ધરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ