અમદાવાદ / ‘ઘરનો ભેદી લંકા ઢાયે’! પાડોશી મહિલા મિત્ર જ બની ચોર, ડુપ્લિકેટ ચાવીથી ₹6 લાખના દાગીના ઉડાવ્યા

અમદાવાદના અમરાઈવાડી વિસ્તારમાં પાડોશના મિત્રએ જ મિત્રના ઘરમાં ચોરી કરી હોવાની ઘટના સામે આવી છે. ફરિયાદી મહિલા કરિયાણાની દુકાન ચલાવે છે અને આરોપી શિવાંગી સાથે તેની સારી મિત્રતા હતી. ફરિયાદીના પતિએ તેમને નવા દાગીના બનાવી આપ્યા હતા, જે તેમણે શિવાંગીને બતાવ્યા હતા. આ દાગીના જોયા બાદ આરોપી શિવાંગીની દાનત બગડી હતી અને તેણે ચોરી કરવાનો પ્લાન ઘડ્યો હતો.

ઓફિસને લોક કરવા તાળું માંગ્યું

યોજના મુજબ, આરોપીએ ફરિયાદી પાસેથી તેમની ઓફિસને લોક કરવા તાળું માંગ્યું ગતું. બાદમાં આ તાળાની ડુપ્લીકેટ ચાવી બનાવી લીધી હતી. આ ઘટનાના બે દિવસ બાદ જ્યારે ફરિયાદીના ઘરમાં કોઈ ન હોવાનો લાભ લઈને ડુપ્લીકેટ ચાવી વડે ઘર ખોલીને 6 લાખની કિંમતના સોનાના દાગીના ચોરી લીધા હતો.

વધુ વાંચો : અમદાવાદના ખાડિયામાં મોટી દુર્ઘટના, બિલ્ડિંગ તૂટી પડતાં માતા અને દીકરી દબાયા, રેસ્ક્યૂ ઓપરેશન શરુ

મહિલાની ધરપકડ

આસપાસના લોકોએ પણ આરોપી મહિલાને શંકાસ્પદ હાલતમાં જોઈ હતી. હાલ તો અમરાઈવાડી પોલીસે આરોપી મહિલા શિવાંગી જેસરની ધરપકડ કરી તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ