ન્યૂઝ અપડેટ્સ
VTV / લાઈફસ્ટાઈલ / Tech & Auto / Technology / ટેક અને ઓટો / ''તમારો દીકરો રેપ કેસમાં...'', વોટ્સએપ વીડિયો કૉલ પર આવ્યો રોવાનો અવાજ, અને મિનિટોમાં લાખો સ્વાહા!
Last Updated: 12:07 AM, 7 October 2026
ADVERTISEMENT
જયપુરમાં ‘ડિજિટલ અરેસ્ટ’ દ્વારા ઠગાઈનો એક ખૂબ જ ભયાનક કિસ્સો સામે આવ્યો છે. જેદમાં સાયબર અપરાધીઓએ વિદેશમાં અભ્યાસ કરી રહેલા એક વિદ્યાર્થીના પિતાને લગભગ એક કલાક સુધી વોટ્સએપ વીડિયો કોલ પર બંધક બનાવી રાખ્યો હતો. દીકરાને ગંભીર ગુનામાં ફસાવવા અને ટોર્ચર કરવાની ધમકી આપીને ઠગોએ 1.70 લાખ રૂપિયા લઇ લીધા.
ADVERTISEMENT
જયપુરના જાલુપુરા થાણા વિસ્તારમાં રહેતા એક સરકારી કર્મચારી સાથે આ ઘટના બની છે. પોલીસને આપેલી ફરિયાદ મુજબ પીડિત કર્મચારી 2 ઓક્ટોબરે સવારે લગભગ 11 વાગ્યે પોતાના ઓફિસમાં કામ કરી રહ્યા હતા ત્યારે તેમના વોટ્સએપ પર એક અનનોન નંબરથી વીડિયો કોલ આવ્યો. કોલ કરનારની પ્રોફાઇલ પિક્ચરમાં પોલીસ અધિકારીની વર્દીવાળી તસવીર લગાવેલી હતી.
કોલ ઉપાડતાં જ સામેના વ્યક્તિએ પોતાને પોલીસ અધિકારી કહ્યા હતા. તેને ખૂબ જ કડક અવાજમાં કહ્યું કે તમારો દીકરો જે વિદેશમાં અભ્યાસ કરી રહ્યો છે તે એક ગંભીર રેપ કેસમાં પકડાયો છે અને પોલીસે તેને પકડી લીધો છે.
ADVERTISEMENT
ફરિયાદી પિતાના જણાવ્યા અનુસાર, ઠગોએ તેમના પર એટલો માનસિક દબાણ બનાવ્યું કે તેઓ ખૂબ ડરી ગયા. અપરાધીઓએ વિદેશી કાયદાનો હવાલો આપીને ભારે ટોર્ચરની ધમકીઓ આપી. વાતને સાચી સાબિત કરવા માટે તેમણે બેકગ્રાઉન્ડમાં રુદન અને મારપીટની ઓડિયો-વીડિયો ક્લિપ પણ ચલાવી હતી. જેથી પીડિતને લાગ્યું કે તેમનો દીકરો ખરેખર કસ્ટડીમાં રુદન કરી રહ્યો છે. આ દરમિયાન ઠગોએ પિતાને હિદાયત આપી કે તેઓ કોલ ડિસ્કનેક્ટ ન કરે અને ન તો કોઈ ત્રીજા વ્યક્તિ કે પોતાના દીકરા સાથે સીધો સંપર્ક કરે.
ADVERTISEMENT
દીકરાને કેસમાંથી બચાવવાની વિનંતી કરતા પિતા પાસેથી ઠગોએ ‘FIRમાંથી નામ કાઢવા’ના બદલામાં 1.70 લાખ રૂપિયાની માંગ કરી. જેમાં ડરના કારણે પિતાએ તરત પોતાના સગા-સંબંધીઓ અને પરિચિતો પાસેથી પૈસાની વ્યવસ્થા કરી અને ઠગોએ આપેલા બેંક એકાઉન્ટમાં રકમ ટ્રાન્સફર કરી દીધી. જેમાં પૈસા મળ્યા બાદ ઠગોએ દીકરો જલ્દી છૂટી જશે એમ કહીને કોલ કાપી નાખ્યો. જ્યારે પીડિતે પોતાના દીકરા સાથે સીધો સંપર્ક કર્યો ત્યારે આ મોટા ‘ડિજિટલ અરેસ્ટ’ ફ્રોડનું પર્દાફાશ થયું હતું.
સંકળાયેલા મુદ્દાઓ