વિશ્વ / 'ફેસબુક-ઇન્સ્ટાગ્રામ બાળકો માટે ખતરનાક', યુએસ કોર્ટે Metaને 3100 કરોડનો દંડ ફટકાર્યો

US court fines Meta : સોશિયલ મીડિયા જગતમાં મોટી અસર પેદા કરનાર નિર્ણયમાં Meta Platformsને અમેરિકાની અદાલતે ભારે દંડ ફટકાર્યો છે. Facebook, Instagram અને WhatsApp જેવી લોકપ્રિય સેવાઓ ચલાવતી આ કંપની પર લગભગ 375 મિલિયન ડોલર (અંદાજે 3100 કરોડ રૂપિયા)નો દંડ લાદવામાં આવ્યો છે.

આ નિર્ણય અમેરિકાના New Mexicoમાં આપવામાં આવ્યો હતો, જ્યાં જ્યુરીએ લાંબી સુનાવણી બાદ કંપનીને દોષિત ગણાવી હતી. કેસ દરમિયાન રજૂ થયેલી દલીલો અનુસાર, કંપનીને ખબર હતી કે તેના પ્લેટફોર્મ બાળકો માટે જોખમ ઉભું કરી શકે છે, છતાં પણ આ માહિતી ખુલ્લેઆમ જાહેર કરવામાં આવી નહોતી. આરોપો મુજબ, કંપનીએ નફાને મહત્વ આપતા બાળકોની સલામતી અને માનસિક સ્વાસ્થ્યને અવગણ્યા હતા. જ્યુરીએ એ પણ માન્યું કે કંપનીએ બાળકોની નબળાઈનો ફાયદો ઉઠાવ્યો અને ગેરમાર્ગે દોરતી માહિતી આપી.

આ પણ વાંચો : છૂટ મળતા જ ભારતે આટલું બધું ઈરાની તેલ ખરીદ્યું! કાર્ગો હોર્મુઝ નદી ક્યારે પાર કરશે?

કોર્ટના નિર્ણયમાં જણાવાયું કે, આ માત્ર એક ભૂલ નહોતી, પરંતુ ઘણા વખત ગ્રાહક સુરક્ષા નિયમોનું ઉલ્લંઘન કરવામાં આવ્યું હતું. દરેક ઉલ્લંઘન માટે અલગ દંડ ગણવામાં આવતા કુલ રકમ ખૂબ મોટી થઈ ગઈ. આ ચુકાદો ટેક કંપનીઓ માટે એક ચેતવણી સમાન માનવામાં આવે છે. નિષ્ણાતોના મત મુજબ, આ બાદ સોશિયલ મીડિયા પ્લેટફોર્મ્સ પર વધુ કડક નિયમો લાગુ થઈ શકે છે, ખાસ કરીને બાળકોની સુરક્ષા બાબતે. હાલમાં કંપની તરફથી વિગતવાર પ્રતિસાદ આપવામાં આવ્યો નથી, પરંતુ આવનારા સમયમાં આ મામલો વધુ આગળ વધે તેવી શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ