તમારા કામનું / ક્યારે આવશે PM કિસાન યોજનાનો 24મો હપ્તો? ખેડૂતો ખાસ નજર મારી લે

કેન્દ્ર સરકાર દ્વારા દેશના કરોડો ખેડૂતોને આર્થિક ટેકો આપવા માટે ચલાવવામાં આવતી 'પ્રધાનમંત્રી કિસાન સન્માન નિધિ યોજના' (PM Kisan Samman Nidhi Yojana) નો લાભ લેતા ખેડૂતો માટે એક મહત્વપૂર્ણ અપડેટ સામે આવ્યું છે. આ યોજના હેઠળ પાત્ર ખેડૂતોને દર વર્ષે ₹6,000ની આર્થિક સહાય ₹2,000ના ત્રણ સમાન હપ્તામાં સીધી બેંક ખાતામાં આપવામાં આવે છે.

અત્યાર સુધી કેટલા હપ્તા જમા થયા?

પીએમ કિસાન યોજના હેઠળ અત્યાર સુધીમાં કુલ 23 હપ્તા જારી કરવામાં આવ્યા છે. 23મો હપ્તો જૂન 2026માં દેશના 9 કરોડથી વધુ પાત્ર ખેડૂતોના ખાતામાં સફળતાપૂર્વક ટ્રાન્સફર કરવામાં આવ્યો હતો.

24મો હપ્તો ક્યારે જારી થઈ શકે છે?

સામાન્ય રીતે પીએમ કિસાન યોજનાનો દરેક હપ્તો દર 4-4 મહિનાના અંતરાલ પર જારી કરવામાં આવે છે. જૂન મહિનામાં 23મો હપ્તો જારી કરાયા બાદ ગણતરી કરીએ તો 4 મહિનાની અવધિ ઓક્ટોબર 2026માં પૂરી થાય છે. આથી, એવી પ્રબળ શક્યતા સેવાઈ રહી છે કે સરકાર ઓક્ટોબર મહિનામાં ખેડૂતોના ખાતામાં 24મા હપ્તાના ₹2,000 જમા કરી શકે છે.

આ પણ વાંચો : મહિલા સહકારી મંડળીઓને પાંચ વર્ષમાં NCDCની માત્ર રૂ. 1.01 કરોડની સહાય, અન્ય રાજ્યોની સરખામણીએ રાજ્ય ઘણું પાછળ

જોકે, હજુ સુધી સરકાર દ્વારા 24મા હપ્તાની ચોક્કસ તારીખ અંગે કોઈ સત્તાવાર જાહેરાત કરવામાં આવી નથી. ખેડૂતોને સલાહ આપવામાં આવે છે કે તેઓ પોતાનું e-KYC અને બેંક અકાઉન્ટ આધાર લિંકિંગ સમયસર પૂર્ણ કરી લે જેથી હપ્તો અટકે નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ