ટેક્નોલોજી / હવેથી ફેસબુક-Insta પર રહેશે ટાઈમ લિમિટ! જોઇ લો Metaનો ન્યૂ પ્લાન

સોશિયલ મીડિયાની દુનિયામાં હવે બાળકો અને ટીનએજર્સ માટે ફેસબુક અને ઇન્સ્ટાગ્રામનો ઉપયોગ પહેલા જેવો રહેશે નહીં. મેટા (Meta) કંપની પર બાળકોને સોશિયલ મીડિયાનું વસન કે લત લગાડતા ફીચર્સ આપવાનો આક્ષેપ થયો હતો, જેને લઈને અમેરિકામાં ચાલી રહેલા કેસમાં કંપનીએ અંદાજે 17.1 અબજ ડૉલર સુધીની ચૂકવણી કરવાના કરાર પર સંમતિ દર્શાવી છે. આ સાથે જ મેટા પોતાના પ્લેટફોર્મ પર સગીર યુઝર્સ (Under-18 Users) માટે સુરક્ષાના કડક નિયમો લાગુ કરવા જઈ રહ્યું છે.

મેટાનો સગીર યુઝર્સ માટેનો નવો સુરક્ષા પ્લાન

રોજના માત્ર 2 કલાકની ડિફોલ્ટ લિમિટ: મેટાના નવા પ્લાન હેઠળ 18 વર્ષથી ઓછી વયના યુઝર્સ માટે ફેસબુક અને ઇન્સ્ટાગ્રામ બંને મળીને રોજના માત્ર 2 કલાક વાપરવાની ડિફોલ્ટ સમયમર્યાદા નક્કી કરવામાં આવશે. જો આ સમયમર્યાદા વધારવી હશે તો માતા-પિતા (Parents) ની પરવાનગી અનિવાર્ય રહેશે.

રાત્રે 12 થી 6 વાગ્યા સુધી એક્સેસ રહેશે બંધ: ટીનએજર્સમાં મોડી રાત્રે સોશિયલ મીડિયા ચલાવવાની ટેવ રોકવા માટે મધ્યરાત્રિના 12 વાગ્યાથી સવારે 6 વાગ્યા સુધી બંને એપ્સનો ઉપયોગ સંપૂર્ણપણે બ્લોક રહેશે.

સ્કૂલ ટાઇમમાં નોટિફિકેશન મ્યુટ: શાળાના સમય દરમિયાન બાળકોનું ધ્યાન ન ભટકે તે માટે સવારે 8 થી બપોરે 3 વાગ્યા સુધી ડિફોલ્ટ રૂપે તમામ નોટિફિકેશન્સ મ્યુટ રહેશે. જોકે, ઇમરજન્સી મેસેજ અને સુરક્ષા સંબંધિત એલર્ટ્સ મળતા રહેશે.

એજ વેરિફિકેશન અને પેરન્ટલ કંટ્રોલ બનશે વધુ મજબૂત

મેટા હવે યુઝર્સની સાચી ઉંમર ચકાસવા માટે વધુ સખત ટેકનોલોજીનો ઉપયોગ કરશે. માતા-પિતા પોતાના બાળકોના સોશિયલ મીડિયા એક્ટિવિટી પર વધુ સારી રીતે નજર રાખી શકે તે માટે પેરન્ટલ કંટ્રોલને સરળ અને શક્તિશાળી બનાવવામાં આવશે. આ ઉપરાંત, સગીરોની પોસ્ટ્સ પર લાઈક્સ અને રિએક્શન કાઉન્ટ હટાવવા તેમજ હાનિકારક કન્ટેન્ટ અને બ્યુટી ફિલ્ટર્સ પર મર્યાદા મૂકવાના પગલાં લેવામાં આવશે.

આ પણ વાંચો : મહિલા સહકારી મંડળીઓને પાંચ વર્ષમાં NCDCની માત્ર રૂ. 1.01 કરોડની સહાય, અન્ય રાજ્યોની સરખામણીએ રાજ્ય ઘણું પાછળ

જોકે, મેટા કંપનીએ કાનૂની કરાર દરમિયાન પોતાની કોઈ ભૂલ કે જવાબદારી સ્વીકારી નથી, પરંતુ કિશોરો માટે સુરક્ષિત ઓનલાઇન વાતાવરણ પૂરું પાડવા માટે આ નવા ફેરફારો ટૂંક સમયમાં અમલી બનશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ