ગુજરાત / મોરબીના સિરામિક ઉદ્યોગમાં ટાઈલ્સની માગ ઘટી, 5થી 15% ડિસ્કાઉન્ટ સાથે વેચાણનો દોર શરૂ

ટાઈલ્સની માગમાં ઘટાડો થતાં મોરબીના સિરામિક ઉદ્યોગમાં હવે ડિસ્કાઉન્ટમાં બિઝનેસ કરવાનો દોર શરૂ થયો છે. બજારમાં ટાઈલ્સની ડિમાન્ડ ઘટી રહી હોવાથી ઉત્પાદન ચાલુ રાખવા અને પ્રોડક્શન સાઈકલ જાળવી રાખવા માટે સિરામિક ઉદ્યોગકારો દ્વારા પાંચથી ૧૫ ટકા સુધીના ડિસ્કાઉન્ટ સાથે માલનું વેચાણ કરવામાં આવી રહ્યું છે.

મોરબીનું સિરામિક ક્લસ્ટર દેશ-વિદેશમાં ટાઈલ્સનાં મોટા ઉત્પાદન કેન્દ્ર તરીકે જાણીતું છે. જોકે હાલ ટાઈલ્સની માગમાં આવેલા ઘટાડાની અસર ઉદ્યોગના વેપાર પર જોવા મળી રહી છે. ઉત્પાદન ચાલુ રાખવામાં આવે તો તૈયાર માલનો સ્ટોક વધે અને ઉત્પાદન ઘટાડવામાં આવે તો ફેક્ટરીની પ્રોડક્શન સાઈકલ પર અસર થાય તેવી સ્થિતિ વચ્ચે ઉદ્યોગકારો ડિસ્કાઉન્ટના વિકલ્પ તરફ વળ્યા છે.

તે માટે કેટલાક ઉત્પાદકો દ્વારા ગ્રાહકો

બજારમાં માગ જળવાઈ રહે અને તૈયાર માલનો નિકાલ થઈ શકે તે માટે કેટલાક ઉત્પાદકો દ્વારા ગ્રાહકો અને વેપારીઓને ડિસ્કાઉન્ટ ઓફર કરવામાં આવી રહી છે. પાંચથી ૧૫ ટકા સુધીનું ડિસ્કાઉન્ટ આપીને બિઝનેસ શરૂ કરવો એ હાલના પડકારજનક બજારની સ્થિતિને પહોંચી વળવાનો ઉદ્યોગકારોનો પ્રયાસ છે.

આ પણ વાંચો : GSRTC મોબાઇલ એપથી એક જ દિવસમાં 88,626 ટિકિટોનું રેકોર્ડ બુકિંગ, અગાઉનો 85,247 ટિકિટનો રેકોર્ડ તૂટ્યો

માગમાં ઘટાડો લાંબો સમય રહે તો તેની અસર ઉત્પાદન, સ્ટોક અને ઉદ્યોગની સમગ્ર સપ્લાય ચેઇન પર પડી શકે છે. હાલ ઉદ્યોગકારો માટે ઉત્પાદન ચાલુ રાખવાની સાથે બજારમાં ટાઈલ્સની માગને અનુરૂપ વેચાણ જાળવી રાખવું મહત્ત્વનું બન્યું છે. તેથી ડિસ્કાઉન્ટ આધારિત વેચાણ દ્વારા બજારમાં ગતિ જાળવી રાખવાનો પ્રયાસ થઈ રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ