ગાંધીનગર / ગુજરાત પોલીસના કાફલામાં 500 નવા ‘જનરક્ષક’ વાહનો જોડાશે, હર્ષ સંઘવી આપશે લીલી ઝંડી

ગુજરાત પોલીસના કાફલામાં નવા 500 અત્યાધુનિક જનરક્ષક વાહનો જોડાવાના છે. નાયબ મુખ્ય પ્રધાન હર્ષ સંઘવી પોલીસને નવા 500 ‘જનરક્ષક’ વાહનોની ભેટ આપશે. આ સાથે હવે રાજ્યમાં 24 કલાક 1000 જનરક્ષક વાહનો ઈમરજન્સી સેવાઓ માટે ઉપલબ્ધ રહેશે.

કઈ કઈ છે ઈમરજન્સી સેવાઓ?

ડાયલ 112 અંતર્ગત પોલીસ (100), એમ્બ્યુલન્સ (108), ફાયર (101), મહિલા હેલ્પલાઇન (181), ચાઇલ્ડ હેલ્પલાઇન (1098) તથા ડિઝાસ્ટર હેલ્પલાઇન (1070) ઉપરાંત ટ્રાફિક હેલ્પલાઇન જેવી વિવિધ ઇમરજન્સી સેવાઓ એક જ પ્લેટફોર્મ પર સંકલિત રીતે ઉપલબ્ધ કરવામાં આવી છે. તાજેતરમાં ઓલા, ઉબેર, રેપિડો અને ભારત ટેક્સી એપ્સમાં પણ 112 પેનિક બટન સામેલ કરાયું છે.

11.04 લાખ ઈમરજન્સી સેવાઓ પૂરી પડાઈ

ગુજરાતમાં અત્યાર સુધી 11.04 લાખ ઈમરજન્સી સેવાઓ પૂરી પાડવામાં આવી છે અને નવા વાહનો સાથે પોલીસ વધારે સારી રીતે સેવા આપી શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ