વિચિત્ર / 'કોર્પોરેશનમાંથી આવ્યાં છીએ' કહી અમદાવાદમાં 3 દુકાનો તોડી પાડી, મનપાએ કહ્યું- 'અમે નથી કર્યું '

અમદાવાદમાં પણ સુરતના નસીરનગર જેવા ભૂતિયા ડિમોલિશનનો કિસ્સો સામે આવ્યો છે. નાના ચિલોડા વિસ્તારમાં કોર્પોરેશનના નામે ડિમોલિશન કરાયું હતું. કેટલાક માણસો 'કોર્પોરેશનમાંથી આવ્યા છીએ , દબાણ છે' કહી 3 દુકાનો તોડી પાડી હતી અને આવું કરીને જતા રહ્યાં હતા.

કોર્પોરેશન અંધારામાં

કોર્પોરેશન દ્વારા ડિમોલેશન ન કરાયું હોવાની સ્પષ્ટતા કરાઈ છે તો સૌથી મોટો સવાલ એ છે કે દુકાનોનું ડિમોલેશન કોણ કરી ગયું? એવું પણ સામે આવ્યું છે રાજપૂત સિક્યુરીટી એજન્સીના માણસો હતા અને તેમણે જ ડિમોલિશન કર્યું હતું.

કોણ કર્યું ભૂતિયા ડિમોલિશન

ભૂતિયા ડિમોલિશન રાજપૂત સિકયુરિટીના બાઉન્સરોએ કર્યું હોવાનું સામે આવ્યું છે. જોકે આ મામલે બાઉન્સરે એવું કહ્યું કે અમને સિકયુરિટી તરફથી ડિમોલિશનનું કહ્યું હતું. અમે કોર્પોરેશનની ઓળખ આપી નથી

મામલો પહોંચ્યો પોલીસ સ્ટેશન

ભૂતિયા ડિમોલેશન મામલો નરોડા પોલીસ સ્ટેશન પહોંચ્યો હતો. ડિમોલિશનમાં આવેલા સિકયુરિટી ગાર્ડને પોલીસ સ્ટેશન લઈ જવામાં આવ્યાં હતા.

વધુ વાંચો : સુરતમાં મહિને 15 હજાર કમાનારને મળી 975 કરોડની ટેક્સ નોટીસ, કંપનીમાં અજમેરના દરજીને ડિરેક્ટર બનાવાયો

શું હતો નાસીરનગર ડિમોલિશન વિવાદ?

મે 2026માં સુરતના નાસીરનગર ખાતે નોટિસ વગર અંદાજે 100 જેટલા મકાનો પર બુલડોઝર ફેરવી દેવામાં આવ્યા હતા, જેના કારણે અનેક પરિવાર બેઘર બન્યા હતા.યોગ્ય પુનર્વસન વગર ગરીબોના ઘર તોડી પાડવા બદલ ગુજરાત હાઈકોર્ટે તંત્ર સામે કડક વલણ અપનાવ્યું હતું. વિવાદ વધતા રાજ્ય સરકારે ઓગસ્ટ 2026માં સુરતના મ્યુનિસિપલ કમિશનરની બદલી કરી હતી અને કલેક્ટરને વધારાનો ચાર્જ સોંપાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ