ટ્રેજિક / અમેરિકામાં ગુજરાતીની હત્યા, દીકરી સામે પિતાને મારી દેવાઈ ગોળી, અઠવાડિયા પહેલા સ્ટોર શરુ કર્યો હતો

અમેરિકાના ટેનેસી સ્ટેટના જેકસન શહેરમાં મૂળ મહેસાણાના સુરેશ પટેલની તેમના જ સ્ટોર પર ગોળી મારીને હત્યા કરી દેવાઈ હતી. બુકાનીધારી લૂંટના ઈરાદે સ્ટોરમાં ઘૂસ્યો હતો, ન રોકતાં સુરેશે પટેલે તેમને લૂંટ કરવા દીધી હતી પરંતુ જતી વખતે તેણે તેમની પર ગોળીઓ વરસાવી હતી અને પોતાની દીકરી સામે જ સુરેશ પટેલે દમ તોડ્યો હતો.

સાત દિવસ પહેલા તો સ્ટોર શરુ કર્યો

સુરેશ પટેલે હજી સાત દિવસ પહેલા જ સ્ટોર શરુ કર્યો હતો અને સાત દિવસમાં તો તેમની હત્યા કરી દેવાઈ. આ ઘટના બાદ તેમના ગામમાં શોક વ્યાપ્યો છે.

બુકાનીધારી લૂંટના ઈરાદે સ્ટોરમાં ઘૂસ્યો. સુરેશ પટેલે પ્રતિકાર કરવાના બદલે લૂંટ કરવા દીધી. પરંતુ, લૂંટારુએ પરત જતી સમયે ગોળીઓ વરસાવતા સુરેશ પટેલનું દીકરીની નજર સામે જ મોત નિપજ્યું.

લૂંટ કરવા દીધી છતાંય ધરબી ગોળીઓ

મહેસાણાના આખજ ગામમાં શોક

સુરેશ પટેલની હત્યાના કારણે તેમના વતન મહેસાણાના આખજ ગામમાં શોકનો માહોલ છવાયો છે. સુરેશ પટેલ 30 વર્ષ પહેલા પોતાના પરિવાર સાથે અમેરિકામાં સ્થાયી થયા હતા.