IND vs SL 2nd Test / દેવદત્ત પડિક્કલનો ધમાકો, સતત બીજી સદી, ગિલની ફિફ્ટી સાથે પહેલા દિવસે ભારતનો સ્કોર 300

India vs Sri Lanka 2nd Test: ભારત અને શ્રીલંકા વચ્ચે કોલંબોમાં બીજી ટેસ્ટ મેચ રમાઈ રહી છે. મેચના પહેલા દિવસે ટીમ ઈન્ડિયા મજબૂત સ્થિતિમાં છે. ભારત માટે દેવદત્ત પડિકલે સદી ફટકારી છે.

દેવદત્ત પડિકલે સદી ફટકારતા ભારતીય ટીમ શ્રીલંકા સામે કોલંબો ટેસ્ટ મેચમાં મજબૂત સ્થિતિમાં આવી ગઈ છે. ટીમ ઈન્ડિયાએ પાંચ વિકેટ ગુમાવી હોવા છતાં પ્રથમ દિવસે તેણે 300 રનનો આંકડો પાર કર્યો. દિવસના અંતે ભારતને મોટો ઝટકો લાગ્યો જ્યારે રવિન્દ્ર જાડેજા દિવસની છેલ્લી ઓવરના પહેલા બોલ પર આઉટ થઈ ગયો હતો.

શુભમન ગિલની આગેવાની હેઠળની ટીમે પ્રથમ દિવસે 300 રન બનાવ્યા પરંતુ પાંચ વિકેટ પણ ગુમાવી દીધી. શ્રીલંકા માટે આસિથા ફર્નાન્ડો સૌથી સફળ બોલર રહ્યો, તેણે ત્રણ ભારતીય બેટ્સમેનોને આઉટ કર્યા. ભારત માટે ધ્રુવ જુરેલ અને સારાંશ જૈન ક્રીઝ પર છે, જે બીજા દિવસે બેટિંગ કરશે.

શુભમન ગિલે અડધી સદી ફટકારી

ભારતીય કેપ્ટન શુભમન ગિલે ગાલેમાં રમાયેલી પ્રથમ ટેસ્ટ મેચની બંને ઇનિંગ્સમાં સારું પ્રદર્શન કર્યું ન હતું. જોકે તેણે બીજી મેચમાં સારી બેટિંગ કરી અને દેવદત્ત પડિકલ સાથે ત્રીજી વિકેટ માટે 120 રન ઉમેર્યા. ગિલે ઇનિંગ્સ દરમિયાન અડધી સદી ફટકારી, પરંતુ ભારતીય કેપ્ટને પોતાની અડધી સદી ફટકાર્યા પછી પોતાની વિકેટ ગુમાવી દીધી. ગિલે 108 બોલમાં 50 રનની ઇનિંગ રમી.

દેવદત્ત પડિકલે સદી ફટકારી

ભારત માટે નંબર ત્રણની સમસ્યા હવે ખતમ થઈ હોય તેવું લાગે છે. દેવદત્ત પડિકલે બીજી મેચમાં સદી ફટકારીને પોતાની પહેલી ટેસ્ટ સદી ફટકારી. 2024 પછી પહેલી વાર ટેસ્ટ ક્રિકેટમાં પાછો ફર્યો અને સતત બે સદી ફટકારી. આ સાથે ડાબોડી બેટ્સમેન ચેતેશ્વર પૂજારા પછી ત્રીજા નંબર પર બેટિંગ કરતી વખતે સતત બે મેચમાં સદી ફટકારનાર પ્રથમ બેટ્સમેન બન્યો. પૂજારાએ 2018-19 બોર્ડર-ગાવસ્કર ટ્રોફીમાં ઓસ્ટ્રેલિયા સામે સદી ફટકારી હતી.

આ પણ વાંચોઃ IND vs SL / કોલંબો ટેસ્ટ જીતશે ભારત તો 3 વર્ષ બાદ રચાશે ઈતિહાસ! WTCમાં પણ મળશે મોટો ફાયદો

ભારત 300 રન સુધી પહોંચ્યું

પહેલા દિવસની રમતના અંતે ટીમ ઇન્ડિયા 300 રન સુધી પહોંચી ગયું છે. ધ્રુવ જુરેલ 7 રન બનાવીને અણનમ છે, જ્યારે સારાંશ જૈન 4 રન બનાવીને અણનમ છે. આ બંને ખેલાડીઓ બીજા દિવસે ટીમ ઇન્ડિયાને 400 રનનો આંકડો પાર કરાવે તેવી અપેક્ષા રાખવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ