6 ફોટો ગેલેરી

બિઝનેસ / દેશનો સૌથી મોટો IPO લાવવાની તૈયારીમાં Jio: ₹30,200 કરોડ એકત્ર કરવાનો પ્લાન

Last Updated: 11:51 PM, 9 October 2026

FOLLOW ON

શેર કરો

રિલાયન્સ ઈન્ડસ્ટ્રીઝની ટેલિકોમ અને ડિજિટલ વિંગ 'જિઓ પ્લેટફોર્મ્સ લિમિટેડ' દેશનો અત્યાર સુધીનો સૌથી મોટો IPO લાવવાની તૈયારી કરી રહી છે.

1/6

1. દેશનો સૌથી મોટો IPO લાવવાની તૈયારીમાં Jio: ₹30,200 કરોડ એકત્ર કરવાનો પ્લાન

રિલિાયન્સ ઈન્ડસ્ટ્રીઝની ટેલિકોમ અને ડિજિટલ સર્વિસ આર્મ 'જિઓ પ્લેટફોર્મ્સ લિમિટેડ' (Jio Platforms Limited) ભારતીય શેરબજારના ઈતિહાસનો સૌથી મોટો પબ્લિક ઈશ્યૂ (IPO) લાવવાની જોરશોરથી તૈયારી કરી રહી છે. મીડિયા અહેવાલો મુજબ, કંપની પોતાના IPO માટે પ્રતિ શેર ₹1,065 થી ₹1,119 નો પ્રાઈસ બેન્ડ નક્કી કરી શકે છે. આ મેગા IPO દ્વારા કંપની ₹10.3 લાખ કરોડ (આશરે $115 બિલિયન) સુધીનું માર્કેટ વેલ્યુએશન મેળવવાનો લક્ષ્યાંક રાખી રહી છે.

આ તસવીર શેર કરો

2/6

2. હ્યુન્ડાઈનો ઓલ-ટાઈમ રેકોર્ડ તૂટશે

પ્રાઈસ બેન્ડના અપર લેવલ પર જિઓ આ પબ્લિક ઈશ્યૂ મારફતે આશરે ₹30,200 કરોડ ભંડોળ એકત્ર કરશે. આ સાથે જ તે October 2024 માં આવેલા હ્યુન્ડાઈ મોટર ઈન્ડિયા લિમિટેડના ₹27,800 કરોડના શેર સેલના રેકોર્ડને પાછળ છોડીને ભારતનો સૌથી મોટો IPO બની જશે.

આ તસવીર શેર કરો

3/6

3. સંભવિત ટાઈમલાઈન અને ઈશ્યૂની વિગતો

એન્કર બુક ઓપનિંગ: 19 October, પબ્લિક સબસ્ક્રિપ્શન: 21 October થી શરૂ થઈને 23 October ના રોજ બંધ થશે. શેર લિસ્ટિંગ: 28 October ના રોજ શેરબજારમાં ટ્રેડિંગ શરૂ થવાની સંભાવના છે. જોકે, સૂત્રોના જણાવ્યા અનુસાર આ અંગે હાલ ચર્ચાઓ ચાલી રહી છે અને માર્કેટ સ્થિતિ મુજબ પ્રાઈસ બેન્ડ, વેલ્યુએશન અને તારીખોમાં ફેરફાર શક્ય છે. રિલિાયન્સ ઈન્ડસ્ટ્રીઝ તરફથી હજુ સુધી આ અંગે કોઈ સત્તાવાર નિવેદન સામે આવ્યું નથી.

આ તસવીર શેર કરો

4/6

4. વેલ્યુએશનમાં અગાઉની સરખામણીએ થોડી નરમાઈ

જિઓએ June માં 27 કરોડ નવા શેરોના ઈશ્યૂ માટે ડ્રાફ્ટ પ્રોસ્પેક્ટસ (DRHP) દાખલ કર્યું હતું, જે તેના પોસ્ટ-ઈશ્યૂ ઈક્વિટી કેપિટલના આશરે 2.93% બરાબર છે. અગાઉ કંપની આશરે ₹11 લાખ કરોડ ($130 બિલિયન થી $170 બિલિયન) સુધીના વેલ્યુએશનની અપેક્ષા રાખતી હતી. પરંતુ ભારતીય શેરબજારમાં તાજેતરમાં જોવા મળેલી વેચવાલીના કારણે કંપનીએ વેલ્યુએશનને રી-એડજસ્ટ કર્યું છે. બ્રોકરેજ હાઉસ મોતીલાલ ઓસવાલ અનુસાર જિઓનું વેલ્યુએશન $115 બિલિયન થી $118 બિલિયન અને દોલત કેપિટલ મુજબ $110 બિલિયન આંકવામાં આવ્યું છે.

આ તસવીર શેર કરો

5/6

5. 19 મોટા ગ્લોબલ અને ડોમેસ્ટિક બેંકોને સોંપાઈ જવાબદારી

દેશના આ સૌથી મોટા શેર વેચાણને સફળ બનાવવા માટે જિઓએ 19 મોટા ઈન્વેસ્ટમેન્ટ બેંકોની નિમણૂક કરી છે. જેમાં કોટક મહિન્દ્રા કેપિટલ, મોર્ગન સ્ટેનલી, બેંક ઓફ અમેરિકા કોર્પ, એક્સિસ કેપિટલ, બીએનપી પારિબા અને સિટીગ્રુપ જેવા દિગ્ગજ નામો સામેલ છે.

આ તસવીર શેર કરો

6/6

6. નોંધ

પ્રાઈસ બેન્ડ એ મિનિમમ અને મેક્સિમમ પ્રાઈસ રેન્જ હોય છે જેની અંદર રોકાણકારો બોલી લગાવી શકે છે. જ્યારે એન્કર ઈન્વેસ્ટર એ સંસ્થાકીય રોકાણકારો હોય છે જેમને સામાન્ય જનતા માટે ઈશ્યૂ ખુલવાના એક દિવસ પહેલાં શેર એલોટ કરવામાં આવે છે.

આ તસવીર શેર કરો

સંકળાયેલા મુદ્દાઓ

JioIPO RelianceJio IPONews