ગાંધીનગર / CM ભૂપેન્દ્ર પટેલનો ખેડૂતોના હિતમાં નિર્ણય, કડાણા ડેમમાંથી 5,500 ક્યુસેક પાણી છોડાશે

ગાંધીનગર: ગુજરાતના મુખ્યમંત્રી ભૂપેન્દ્ર પટેલે ખેડૂતોના હિતમાં મહત્વપૂર્ણ નિર્ણય લીધો છે. ખેડૂતોને સિંચાઈ માટે પૂરતું પાણી મળી રહે અને તેમના ઉભા પાકને નુકસાનથી બચાવી શકાય તે હેતુથી કડાણા ડેમમાંથી પાણી છોડવાનો નિર્ણય કરવામાં આવ્યો છે.

મુખ્યમંત્રી શ્રી ભૂપેન્દ્રભાઈ પટેલનો મહી કમાન્ડ વિસ્તારમાં ખેડૂતોના ઊભા પાકને બચાવવા સિંચાઈનું પાણી પૂરું પાડવાનો કિસાન હિતલક્ષી નિર્ણય. મુખ્યમંત્રીશ્રીના આ સંવેદન સ્પર્શી નિર્ણય અનુસાર આવતીકાલ તા.10 ઓક્ટોબર, 2026થી જ કડાણા ડેમમાંથી 5500 ક્યુસેક પાણી છોડવાનું શરૂ કરીને ખેડા અને આણંદ તાલુકાના આશરે 80 હજાર હેક્ટરમાં ખરીફ પાકને 198 મિલિયન ઘન મીટર પાણી આપવામાં આવશે, જેના કારણે આ વિસ્તારના ખેડૂતોના ઉભા પાકને જીવનદાન મળશે.

— CMO Gujarat (@CMOGuj) October 9, 2026

કુલ 198 મિલિયન ઘન મીટર પાણી છોડવામાં આવશે.

મળતી માહિતી મુજબ, કડાણા ડેમમાંથી કુલ 198 મિલિયન ઘન મીટર પાણી છોડવામાં આવશે. આ પ્રક્રિયા આવતીકાલથી શરૂ થશે અને શરૂઆતમાં પ્રતિ સેકન્ડ 5,500 ક્યુસેક પાણી છોડવામાં આવશે.

80 હજાર હેક્ટર પાકને મળશે ફાયદો

કડાણા ડેમમાંથી પાણી છોડવાના આ નિર્ણયથી ખેડા અને આણંદ જિલ્લાના ખેડૂતોને મોટો લાભ થવાની શક્યતા છે. બંને જિલ્લાના અંદાજે 80 હજાર હેક્ટર વિસ્તારમાં ઉભા પાકને સિંચાઈ માટે પાણી મળી રહેશે. ખાસ કરીને પાણીની જરૂરિયાત ધરાવતા પાકને સમયસર સિંચાઈ મળી રહેતાં ખેડૂતોને મોટી રાહત મળશે.

ખેડૂતોના ઉભા પાકને મળશે જીવનદાન

ખેતીમાં સમયસર સિંચાઈનું પાણી મળવું ખૂબ જ મહત્ત્વપૂર્ણ છે. કડાણા ડેમમાંથી પાણી છોડવાની શરૂઆત થતાં ખેડૂતોને પાક બચાવવામાં મદદ મળશે અને ખેતીના ઉત્પાદન પર પણ સકારાત્મક અસર થવાની આશા છે.

આ પણ વાંચોઃ અમદાવાદમાં ખેલૈયાઓમાં ટેટૂનો અનોખો ક્રેઝ, વુમન સેફ્ટીથી શક્તિ સ્વરૂપા અને દાંડિયા રમતા કપલ સુધીની ડિઝાઇનની માગ

મુખ્યમંત્રી ભૂપેન્દ્ર પટેલના આ નિર્ણયથી ખેડા અને આણંદ જિલ્લાના ખેડૂતોમાં રાહતની લાગણી ફેલાવાની શક્યતા છે. સિંચાઈ માટે પાણીની ઉપલબ્ધતા વધતાં ખેડૂતોને ઉભા પાકની સંભાળ રાખવામાં મદદ મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ