ગુજરાત / કચ્છમાં પિકઅપ અને બલ્કર વચ્ચે મોડી રાત્રે ભયાનક અકસ્માત, 7 લોકોનાં ઘટનાસ્થળે મો*ત અને 20થી વધુ ઇજાગ્રસ્ત

કચ્છમાં મોડી રાત્રે એક એવી દુર્ઘટના બની, જેમાં અનેક પરિવારો પર દુઃખનો પહાડ તૂટી પડ્યો છે. ખાવડા રિન્યુએબલ એનર્જી (RE) પાર્ક નજીક મીરા કાંટા પાસે પિકઅપ અને બલ્કર વચ્ચે ગમખ્વાર અકસ્માત સર્જાયો હતો. આ અકસ્માત એટલો ગંભીર હતો કે ઘટનાસ્થળે જ 7 લોકોનાં મોત થયાં હતાં. જ્યારે પિકઅપમાં સવાર 20થી વધુ લોકો ઇજાગ્રસ્ત થયા હતા. અકસ્માતની જાણ થતાં જ આસપાસના વિસ્તારમાં અફરાતફરીનો માહોલ સર્જાયો હતો.

મળતી માહિતી મુજબ, આ અકસ્માત મોડી રાત્રે કચ્છના ખાવડા RE પાર્ક નજીક મીરા કાંટા પાસે થયો હતો. પિકઅપમાં શ્રમિકો સવાર હતા. આ દરમિયાન પિકઅપ અને બલ્કર વચ્ચે ગંભીર ટક્કર થઈ હતી. અકસ્માતને પગલે પિકઅપમાં સવાર શ્રમિકો ઇજાગ્રસ્ત થયા હતા. દુર્ઘટનાની ગંભીરતા એટલી હતી કે 7 લોકોને ઘટનાસ્થળે જ જીવ ગુમાવવો પડ્યો હતો. જોકે, મૃતકોની ઓળખ અને અકસ્માત કેવી રીતે સર્જાયો તે અંગેની વધુ વિગતો સામે આવવાની બાકી છે.

20થી વધુ લોકો ઇજાગ્રસ્ત થયા હોવાનું જાણવા મળ્યું

આ દુર્ઘટનામાં 20થી વધુ લોકો ઇજાગ્રસ્ત થયા હોવાનું જાણવા મળ્યું છે. અકસ્માત બાદ ઇજાગ્રસ્તોને તાત્કાલિક સારવાર મળે તે માટે તેમને હોસ્પિટલ ખસેડવાની કામગીરી હાથ ધરવામાં આવી હતી. ઇજાગ્રસ્તોમાંથી આશરે 18 લોકોને ભુજની જી.કે. જનરલ હોસ્પિટલમાં લઈ જવામાં આવ્યા હતા. અહીં તબીબોની દેખરેખ હેઠળ તેમની સારવાર ચાલી રહી છે. અકસ્માતમાં ઇજાગ્રસ્ત થયેલા લોકોની સ્થિતિને ધ્યાનમાં રાખીને તેમને સમયસર સારવાર આપવી મહત્ત્વપૂર્ણ બની છે.

હોસ્પિટલ પહોંચાડવાની કામગીરી હાથ ધરવામાં આવી

ઘટનાની જાણ થતાં સ્થાનિક સ્તરે મદદ અને ઇજાગ્રસ્તોને હોસ્પિટલ પહોંચાડવાની કામગીરી હાથ ધરવામાં આવી હતી. બીજી તરફ, અકસ્માતની ગંભીરતાને ધ્યાનમાં રાખીને ખાવડા પોલીસ પણ તપાસમાં જોડાઈ છે. પોલીસે સમગ્ર બનાવ અંગે વધુ તપાસ હાથ ધરી છે. પિકઅપ અને બલ્કર વચ્ચે ટક્કર કયા કારણોસર થઈ, બંને વાહનોની ગતિ કેટલી હતી અને અકસ્માત સમયે અન્ય કોઈ પરિબળ જવાબદાર હતું કે કેમ તે સહિતની બાબતો તપાસમાં સ્પષ્ટ થશે.

આ પણ વાંચો : સ્નાન કરાવતી વખતે વહુએ સાસુને કરી લાફાવાળી, Video વાયરલ થતા સુરત પોલીસ દોડતી થઇ

ખાવડા RE પાર્ક નજીક બનેલી આ દુર્ઘટનાએ શ્રમિકોની સુરક્ષા અને માર્ગ પર વાહનવ્યવહાર અંગે ફરી ચિંતા ઊભી કરી છે. એક તરફ 7 લોકોએ જીવ ગુમાવ્યા છે, તો બીજી તરફ 20થી વધુ લોકો ઇજાગ્રસ્ત થયા છે. હાલ ભુજની જી.કે. જનરલ હોસ્પિટલમાં ઇજાગ્રસ્તોની સારવાર ચાલુ છે અને ખાવડા પોલીસ સમગ્ર મામલે વધુ તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ