ગુજરાત / સ્નાન કરાવતી વખતે વહુએ સાસુને કરી લાફાવાળી, Video વાયરલ થતા સુરત પોલીસ દોડતી થઇ

સાસુ અને પુત્રવધૂનો સંબંધ વિશ્વાસ અને લાગણીનો માનવામાં આવે છે, પરંતુ સુરતમાં સામે આવેલી એક ઘટનાએ આ સંબંધને શરમાવે તેવા સવાલો ઊભા કર્યા છે. સાસુને સ્નાન કરાવતી વખતે પુત્રવધૂએ તેમને લાફા માર્યા હોવાની ઘટના સામે આવી છે. આ સમગ્ર ઘટનાનો વીડિયો બાજુની ખાનગી બિલ્ડિંગમાંથી એક નાગરિકે બનાવ્યો હતો. વીડિયો સોશિયલ મીડિયામાં વાયરલ થતાં જ પોલીસ હરકતમાં આવી હતી અને સરથાણા પોલીસની ટીમ તાત્કાલિક ઘટનાસ્થળે પહોંચી હતી.

મળતી માહિતી મુજબ, આ ઘટના સુરતના સીમાડા વિસ્તારમાં આવેલા સ્વામિનારાયણ પરમસુખ ગુરુકુળની છત પર બની હતી. ગુરુકુળના પ્યુનની પત્ની પોતાની સાસુને સ્નાન કરાવી રહી હતી. આ દરમિયાન કોઈ કારણસર તે આવેશમાં આવી ગઈ હતી અને સાસુને લાફા મારવા લાગી હતી. સાસુ સાથે થઈ રહેલા આ વર્તનને નજીકની ખાનગી બિલ્ડિંગમાંથી એક નાગરિકે જોયું હતું. તેણે સમગ્ર ઘટનાનો વીડિયો પોતાના મોબાઇલમાં ઉતારી લીધો હતો.

પુત્રવધૂ દ્વારા લાફા મારવામાં આવતા હોવાની ઘટના

વીડિયોમાં સાસુને સ્નાન કરાવતી વખતે પુત્રવધૂ દ્વારા લાફા મારવામાં આવતા હોવાની ઘટના સામે આવતાં લોકોમાં પણ ચર્ચા શરૂ થઈ હતી. વીડિયો વાયરલ થયા બાદ આ મામલો પોલીસ સુધી પહોંચ્યો હતો. ઘટનાની ગંભીરતા સમજી સરથાણા પોલીસ તાત્કાલિક હરકતમાં આવી હતી. પોલીસની ટીમ ગુરુકુળ ખાતે પહોંચી હતી અને સમગ્ર મામલે તપાસ તથા પૂછપરછ શરૂ કરી હતી.

સ્નાન કરાવતી વખતે વહુએ સાસુને કરી લાફાવાળી, Video વાયરલ થતા સુરત પોલીસ દોડતી થઇ #Surat #ViralVideo #GujaratPolice #FamilyDispute #VTVDigital https://t.co/bRgC9V4KWX

— VTV Gujarati News and Beyond (@VtvGujarati) October 9, 2026

પુત્રવધૂએ પોતાની વાત રજૂ કરતાં જણાવ્યું

પોલીસની પૂછપરછ દરમિયાન પુત્રવધૂએ પોતાની વાત રજૂ કરતાં જણાવ્યું હતું કે તેની સાસુ માનસિક રીતે અસ્વસ્થ છે અને સ્નાન કરતાં નહોતાં. આ કારણે તે આવેશમાં આવી ગઈ હતી અને ગુસ્સામાં તેનો હાથ ઉપડી ગયો હતો. જોકે, સાસુ સાથે થયેલા આ વર્તનને લઈને પોલીસે મામલાની ગંભીરતાને ધ્યાનમાં રાખીને આગળની કાર્યવાહી હાથ ધરી હતી.

આ પણ વાંચો : વાઘોડિયા પાસે મગરના હુમલામાં નિવૃત્ત પોલીસકર્મીનું મો*ત, ખેતરમાં પાણી લેવા નદીમાં ઉતર્યાને મગર પાણીમાં ખેંચી ગયો

આ ઘટનાને પગલે સરથાણા પોલીસે પુત્ર અને પુત્રવધૂ બંનેને પોલીસ મથકે લાવી પૂછપરછ કરી હતી. સાથે જ માફીનામું લેવા સહિતની કાયદેસરની કાર્યવાહી હાથ ધરવામાં આવી હતી. એક નાગરિકે બનાવેલો વીડિયો વાયરલ થતાં સમગ્ર મામલો સામે આવ્યો હતો અને પોલીસને તાત્કાલિક પગલાં લેવા પડ્યાં હતાં. સુરતમાં બનેલી આ ઘટનાએ વૃદ્ધોની સંભાળ અને તેમની સાથેના વર્તન અંગે ફરી ચર્ચા જગાવી છે. સાસુની માનસિક સ્થિતિ અને સ્નાન ન કરવાની બાબતને લઈને પુત્રવધૂએ જે કારણ આપ્યું છે, તે છતાં ગુસ્સામાં હાથ ઉપાડવાની ઘટના ગંભીર છે. હાલ સરથાણા પોલીસે બંનેને મથકે લાવી જરૂરી કાર્યવાહી હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ