8th Pay Commission / 8માં પગારપંચમાં DAમાં થશે સેકન્ડ ટાઈમ વધારો, જાણો કેન્દ્રીય કર્મીઓ પર શું અસર થશે?

કેન્દ્રીય સરકારી કર્મચારીઓ અને પેન્શનરો હાલ મોંઘવારી ભથ્થા (DA)માં વધારાની રાહ જોઈ રહ્યા છે. વર્ષની બીજી છમાહી માટેનો આ વધારો આ જ મહિને એટલે કે ઓક્ટોબરમાં જાહેર થવાની સંભાવના છે. આઠમા પગારપંચની રચના બાદ આ બીજી વખત છે જ્યારે સરકાર DA અંગે નિર્ણય લેશે. તે પહેલાં એપ્રિલમાં 2 ટકાનો વધારો કરવામાં આવ્યો હતો.

આઠમા પગારપંચની રચના ક્યારે થઈ?

ગયા વર્ષે જાન્યુઆરીમાં સરકારે આઠમા પગાર આયોગના ગઠન અંગે નોટિફિકેશન જારી કર્યું હતું. ત્યારબાદ 2025ના નવેમ્બરમાં તેના ટર્મ્સ ઓફ રેફરન્સ અને સમિતિની રચના થઈ. તેના એક મહિના પહેલાં ઓક્ટોબર 2025 માં સાતમા પગારપંચના છેલ્લા તબક્કામાં DA વધારાની જાહેરાત થઈ હતી. સાતમા પગાર પંચની મુદત ડિસેમ્બર 2025માં પૂરી થઈ ગઈ છે. હવે એવું માનવામાં આવી રહ્યું છે કે આઠમા પગારપંચની ભલામણો જ્યારે અમલમાં આવશે ત્યારે તે જાન્યુઆરી 2026થી જ અસરકારક બનશે.

એપ્રિલમાં પહેલી વાર DAનો નિર્ણય

આઠમા પગારપંચની રચના બાદ એપ્રિલમાં સરકારે પહેલી વાર DA વધારાની જાહેરાત કરી હતી. આ જાહેરાત જાન્યુઆરીથી જૂનની છમાહી માટે હતી. તેમાં 2 ટકાનો વધારો કરવામાં આવ્યો હતો અને તેની ગણતરી હજુ પણ સાતમા પગારપંચના આધારે જ કરવામાં આવી હતી. હાલ કેન્દ્રીય કર્મચારીઓને 60 ટકા દરે મોંઘવારી ભથ્થું મળી રહ્યું છે.

કેટલો વધારો થઈ શકે છે?

હાલ 60 ટકા DA મળી રહ્યું છે. AICPI-IWના ઉપલબ્ધ આંકડાઓના આધારે હવે 4 થી 5 ટકાના વધારાનો અંદાજ છે. જો આ વધારો થાય તો DA 64 થી 65 ટકા સુધી પહોંચી શકે છે. છેવટનો નિર્ણય સરકારની સત્તાવાર જાહેરાત બાદ જ સ્પષ્ટ થશે.

વધુ વાંચો : ગુજરાત સહિત 4 રાજ્યોને જોડશે નવી અમૃત ભારત ટ્રેન, 130 કિમી પ્રતિ કલાકની ઝડપ, 10 કલાક 30 મિનિટમાં 2,532 કિમીનું અંતર

આઠમુ પગારપંચ કર્મચારીઓના સમગ્ર પગાર માળખા, ભથ્થાં અને પેન્શનની સમીક્ષા કરી રહ્યો છે. તેમાં ફિટમેન્ટ ફેક્ટર સૌથી મહત્વનો મુદ્દો છે. તેના આધારે નવા પગાર માળખામાં બેઝિક પેમાં મોટો ફેરફાર થઈ શકે છે. DA અંગેનો અંતિમ નિર્ણય પણ આયોગની ભલામણો આવ્યા બાદ જ થશે. તેવો અંદાજ છે કે પગારપંચ મે અથવા જૂન 2027 સુધીમાં પોતાની ભલામણો સરકારને સોંપી દેશે અને ત્યારબાદ સરકાર તેને અમલમાં મૂકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ