દિલ્હી / ભાજપે રાજ્યસભાના બે ઉમેદવારોનું કર્યું એલાન, જાણો કોને આપી ટીકિટ?

બંગાળી અભિનેત્રી કોયલ મલિક પશ્ચિમ બંગાળમાંથી રાજ્યસભા પેટાચૂંટણીમાં ભાજપના ઉમેદવાર હશે. તેમણે અગાઉ ટીએમસી રાજ્યસભા સાંસદ તરીકે રાજીનામું આપ્યું હતું. કોયલએ 16 જુલાઈ, 2026 ના રોજ પોતાનું રાજીનામું સુપરત કર્યું હતું. ખાલી પડેલી બેઠક માટે પેટાચૂંટણી 16 ઓક્ટોબરે યોજાશે. ભાજપે ઉત્તરાખંડમાંથી રાજ્યસભાની ચૂંટણી માટે દિનેશ આર્યને ટીકિટ આપી છે. કેન્દ્રીય ચૂંટણી સમિતિએ તેમના નામાંકનને મંજૂરી આપી છે. દિનેશ આર્ય નૈનિતાલ ક્ષેત્રના છે. તેઓ હાલમાં રાજ્ય-સ્તરીય પીવાના પાણી દેખરેખ પરિષદના ઉપાધ્યક્ષ તરીકે સેવા આપે છે, જે રાજ્યમંત્રીની સમકક્ષ પદ છે.

કોયલ ટીએમસીની ટિકિટ પર રાજ્યસભામાં પહોંચી હતી

કોયલ મલ્લિક 2026 માં ટીએમસી દ્વારા રાજ્યસભામાં ચૂંટાયા હતા. તેમણે રાજ્યસભાના સાંસદ તરીકે શપથ લીધા હતા. જોકે, થોડા સમય પછી તેમણે પોતાના પદ પરથી રાજીનામું આપી દીધું. 16 જુલાઈના રોજ, તેમણે રાજ્યસભાના અધ્યક્ષને પોતાનું રાજીનામું સુપરત કર્યું. કોયલ મલ્લિકનું સાચું નામ રુક્મિણી મલ્લિક છે. તે એક બંગાળી ફિલ્મ અભિનેત્રી છે અને અસંખ્ય ફિલ્મોમાં જોવા મળી છે. રાજ્યસભામાં પહોંચ્યા પછી, તે રાજકારણમાં પણ સક્રિય થઈ ગઈ.

ઉત્તરાખંડમાંથી દિનેશ આર્યને ટીકિટ

ભાજપે ઉત્તરાખંડમાંથી રાજ્યસભાની ચૂંટણી માટે દિનેશ આર્યને ઉમેદવાર બનાવ્યાં છે. કેન્દ્રીય ચૂંટણી સમિતિએ તેમના નામાંકનને મંજૂરી આપી દીધી છે. દિનેશ આર્ય નૈનિતાલ ક્ષેત્રના છે. તેઓ હાલમાં રાજ્ય-સ્તરીય પીવાના પાણી દેખરેખ પરિષદના ઉપાધ્યક્ષ તરીકે સેવા આપે છે, જે રાજ્યમંત્રીનો દરજ્જો ધરાવે છે. ભાજપે હવે તેમને રાજ્યસભાની ચૂંટણી માટે ઉમેદવાર બનાવવાનો નિર્ણય લીધો છે. ભાજપે બંને રાજ્યોમાં રાજ્યસભાની ચૂંટણી માટે પોતાના ઉમેદવારોને અંતિમ સ્વરૂપ આપી દીધું છે.

વધુ વાંચો : VIDEO : તેલ અવિવમાં સ્ટેજ કાર્યક્રમમાં સ્મિત મચ્છરનો ફોટો રાખી લોકોએ કર્યું સેલિબ્રેશન, ચાહકોનું ઘોડાપૂર

રાજ્યસભાની 12 બેઠકો માટે 16 ઓક્ટોબરે ચૂંટણી યોજાશે

ઉત્તર પ્રદેશ, ઉત્તરાખંડ અને પશ્ચિમ બંગાળમાં કુલ 12 રાજ્યસભા બેઠકો માટે 16 ઓક્ટોબરે ચૂંટણી યોજાશે. આમાં ઉત્તર પ્રદેશની 10 અને ઉત્તરાખંડની એક બેઠકનો સમાવેશ થાય છે. આ બેઠકો પર વર્તમાન સભ્યોનો કાર્યકાળ 25 નવેમ્બરે સમાપ્ત થાય છે. વધુમાં, પશ્ચિમ બંગાળમાં એક બેઠક માટે પેટાચૂંટણી યોજાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ