દુઃખદ / વલસાડના કપરાડામાં ગળાફાંસો ખાઇ આચાર્યએ જીવન ટૂંકાવ્યું, શિક્ષકોમાં રોષની લાગણી

વલસાડ જિલ્લાના કપરાડા તાલુકાના નિલોશી ગામમાં પ્રાથમિક શાળાના આચાર્યએ આપઘાત કરી લેતાં શિક્ષણ જગતમાં ચકચાર મચી છે. શંકરભાઈ જાધવ નામના આચાર્યએ ગળેફાંસો ખાઈ જીવનનો અંત લાવ્યો હોવાની માહિતી સામે આવી છે.

પ્રાથમિક માહિતી મુજબ, આપઘાત કરતાં પહેલાં આચાર્યએ સ્યૂસાઇડ નોટ લખી હતી. જેમાં તેમણે શાળાની કામગીરી તેમજ ઓનલાઈન કામગીરીના ભારણનો ઉલ્લેખ કર્યો હોવાનું જાણવા મળ્યું છે. આ ઘટનાને પગલે જિલ્લાના શિક્ષકોમાં રોષ અને ચિંતા જોવા મળી રહી છે.

ઘટનાની જાણ થતાં પોલીસ સ્થળ પર પહોંચી હતી અને સ્યૂસાઇડ નોટ કબજે કરી તપાસ શરૂ કરી છે. પોલીસ દ્વારા સ્યૂસાઇડ નોટમાં કરાયેલા ઉલ્લેખ તેમજ અન્ય સંજોગોને આધારે સમગ્ર મામલે તપાસ હાથ ધરવામાં આવી રહી છે.

આ પણ વાંચોઃ ચોમાસાની વિદાય વચ્ચે ગુજરાતના 3 જિલ્લાઓમાં મન મૂકીને વરસશે મેઘરાજા, જાણો આગાહી

શિક્ષણ ક્ષેત્રે ઓનલાઈન કામગીરી અને વહીવટી જવાબદારીઓના વધતા ભારણ અંગે શિક્ષકો દ્વારા અગાઉ પણ રજૂઆતો કરવામાં આવતી રહી છે. જોકે, આ ઘટનામાં આપઘાતનું ચોક્કસ કારણ પોલીસ તપાસ પૂર્ણ થયા બાદ જ સ્પષ્ટ થશે. આ ઘટનાએ શિક્ષકો પર રહેલા કામના ભારણ અને તેમની કાર્યસ્થળની પરિસ્થિતિ અંગે ફરી એકવાર પ્રશ્નો ઊભા કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ