મનોરંજન / 'ભારતમાં શાંતિ નથી' નિવેદન પર સંજય દત્તે આપી સ્પષ્ટતા, બબાલ થતાં બોલ્યા- 'સ્ક્રિપ્ટેડ હતું'

બોલિવૂડ અભિનેતા સંજય દત્તના તાજેતરના એક નિવેદને સોશિયલ મીડિયા પર ચર્ચા જગાવી છે અને ભારે ટીકા વહોરી છે. દત્ત તાજેતરમાં શેખર સુમનના શો 'શેખર્સ ટુનાઈટ' માં જોવા મળ્યા હતા, જ્યાં તેમણે દેશની વર્તમાન પરિસ્થિતિ વિશે ચર્ચા કરી હતી. આ એપિસોડ ગાંધી જયંતિના અવસરે પ્રસારિત થયો હતો, તે દરમિયાન દત્તે ટિપ્પણી કરી હતી કે તેમને "ભારતમાં પહેલાં જેવી શાંતિનો અનુભવ થતો નથી." આ નિવેદન વાયરલ થતાં જ સોશિયલ મીડિયા પર ચર્ચા-વિચારણા શરૂ થઈ ગઈ અને અભિનેતા ટીકાઓનો ભોગ બન્યા. તેના જવાબમાં, તેમણે પોતાની વાત સ્પષ્ટ કરતી એક પોસ્ટ શેર કરી અને જણાવ્યું કે તેમની ટિપ્પણીઓ 'ગાંધીગીરી'ની ભાવનાથી કરવામાં આવી હતી અને તે સંપૂર્ણપણે સ્ક્રિપ્ટેડ હતુ. તેમણે ભારપૂર્વક કહ્યું કે તેમનો કોઈની પણ લાગણી દુભાવવાનો કોઈ ઈરાદો નહોતો.

સંજય દત્તની પોસ્ટ

સંજય દત્તે તેમના સોશિયલ મીડિયા એકાઉન્ટ પર એક નિવેદન શેર કરીને સ્પષ્ટતા કરી છે કે શો દરમિયાન તેમણે જે કહ્યું હતું તે સ્ક્રિપ્ટનો એક ભાગ હતો. તેમણે પોતાની પોસ્ટમાં લખ્યું, "હું માત્ર એટલું સ્પષ્ટ કરવા માંગુ છું કે કોઈ પણ વ્યક્તિ, સમુદાય કે સંસ્થાની લાગણી દુભાવવાનો, તેમને અપમાનિત કરવાનો કે તેમનો અનાદર કરવાનો મારો ક્યારેય કોઈ ઈરાદો નહોતો. મેં જે કંઈ પણ કહ્યું તે સ્ક્રિપ્ટ મુજબ હતું. તે વાતચીતનો ઉદ્દેશ્ય માત્ર હળવુ વાતાવરણ ઊભું કરવાનો હતો."

I would like to clarify that it was never my intention to hurt, offend, or disrespect the sentiments of any individual, community, or institution. My remarks were made in the context of a scripted conversation intended to be light-hearted and humorous. The spirit behind them was similar to the humour and satire seen in films like Munna Bhai, particularly the concept of 'Gandhigiri,' which was intended to convey a message of love, warmth, togetherness, and goodwill. Unfortunately, my words were interpreted outside of that intended context.

— Sanjay Dutt (@duttsanjay) October 4, 2026

મારી વાતોને ખોટી રીતે લેવામાં આવી- સંજય દત્ત

સંજય દત્ત તેમની પોસ્ટમાં આગળ લખે છે: "મેં જે કહ્યું તેની પાછળની ભાવના બરાબર 'મુન્ના ભાઈ' જેવી ફિલ્મોમાં જોવા મળતા હાસ્ય અને કટાક્ષ જેવી જ હતી ખાસ કરીને 'ગાંધીગીરી'ના ખ્યાલ જેવી જેનો ઉદ્દેશ્ય પ્રેમ, સાથ-સહકાર, એકતા અને સદ્ભાવનાનો સંદેશ પહોંચાડવાનો હતો. જોકે, તે દુર્ભાગ્યપૂર્ણ છે કે મારા શબ્દોનો ખોટો અર્થ કાઢવામાં આવ્યો; જે સંદર્ભમાં તે કહેવામાં આવ્યા હતા, તેમાંથી તેને અલગ તારવીને રજૂ કરવામાં આવ્યા."

સંજય દત્તને શોમાં શું કહ્યું હતું?

હકીકતમાં, શો દરમિયાન સંજય દત્તને એક એવી પરિસ્થિતિ આપવામાં આવી હતી જેમાં તેમને પાંચ મિનિટ માટે દેશના વડાપ્રધાન હોવાની કલ્પના કરીને લોકોને સંબોધવાનું કહેવામાં આવ્યું હતું. તેમણે 'મુન્ના ભાઈ'ની શૈલીમાં એક વ્યંગાત્મક ભાષણ આપ્યું અને કહ્યું કે, "આ દેશમાં ખૂબ જ સારા લોકો છે."

View this post on Instagram

A post shared by Shekhar Suman (@shekhusuman)

અહીં શાંતિ હોવી જોઈએ. મારા દેશમાં હવે મને પહેલાં જેવી શાંતિનો અનુભવ થતો નથી. આપણે ભારતીયો આપણા વિશાળ હૃદય અને મહેમાન નવાઝી માટે જાણીતા છીએ. આપણે ઘણું બધું આપ્યું છે અને આપણે હંમેશાં એવા જ રહેવું જોઈએ. હું ભગવાન શિવને પ્રાર્થના કરું છું કે તે દિવસો પાછા આવે.

આ પણ વાંચોઃ બિકિનીમાં છવાઈ 49 વર્ષીય હોટ એક્ટ્રેસ, ફેન્સે કહ્યું ''વધતી ઉંમર જાણે...''

'મરાઠી નથી શીખી' વાળા નિવેદન પર પણ બબાલ

તાજેતરમાં સંજય દત્તના એક નિવેદનને કારણે મોટો વિવાદ સર્જાયો હતો. એક કાર્યક્રમ દરમિયાન તેમને મરાઠીમાં કંઈક બોલવા માટે કહેવામાં આવ્યું હતું. પરિવહન મંત્રી પ્રતાપ સરનાઈકે પણ તેમને તે ભાષામાં થોડા શબ્દો બોલવાનો આગ્રહ કર્યો હતો, જેના જવાબમાં સંજય દત્તે કહ્યું કે યરવડા જેલમાં છ વર્ષ વિતાવ્યા હોવા છતાં તેઓ મરાઠી શીખ્યા નથી. આ વીડિયો સામે આવતા જ તેમના નિવેદન અંગે લોકોના મંતવ્યો વહેંચાઈ ગયા હતા. કેટલાક લોકોએ અભિનેતાના જવાબની પ્રશંસા કરી, તો અન્ય લોકોએ તેની ટીકા કરી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ