ખુલાસો / રીબડા ફાયરિંગ ઘટનાના 48 કલાક બાદ પણ ધ્રુવરાજસિંહ કેમ પોલીસ પક્કડથી દૂર?

રાજકોટના રીબડા વિસ્તારમાં થયેલા ફાયરિંગના ચકચારી બનાવને 48 કલાક જેટલો સમય વીતી ગયો હોવા છતાં મુખ્ય આરોપી ધ્રુવરાજસિંહ હજુ પોલીસ પકડથી દૂર છે. ઘટનાને પગલે રાજકોટ ગ્રામ્ય પોલીસે આરોપીની શોધખોળ તેજ કરી છે.

ફાયરીંગની ઘટનાને પગલે ચકચાર

મળતી માહિતી મુજબ, રીબડાના અનિરુદ્ધસિંહ જાડેજાના ભત્રીજા ધ્રુવરાજસિંહે સડક પીપળીયા ગામ નજીક પશુ ચરાવતા એક વ્યક્તિ પર ફાયરિંગ કર્યું હોવાનો આરોપ છે. ફાયરિંગની ઘટનાને પગલે વિસ્તારમાં ચકચાર મચી જવા પામી હતી.

પોલીસ દ્વારા વધુ માહિતી એકત્ર કરવામાં આવી

ઘટનાની તપાસ દરમિયાન ફરિયાદીએ પોતે બોલી કે સાંભળી શકતા ન હોવાનો ખુલાસો કર્યો હોવાનું સામે આવ્યું છે. આ મુદ્દો પણ પોલીસ તપાસનો ભાગ બન્યો છે અને સમગ્ર ઘટનાક્રમ અંગે પોલીસ દ્વારા વધુ માહિતી એકત્ર કરવામાં આવી રહી છે.

પોલીસ દ્વારા તપાસ શરૂ કરવામાં આવી

આરોપીને ઝડપી પાડવા માટે રાજકોટ ગ્રામ્ય પોલીસે સડક પીપળીયા અને રીબડા વિસ્તારમાં તપાસ અને ચેકિંગ હાથ ધર્યું હતું. ગઈકાલે મોડી રાત્રે બંને ગામોમાં પોલીસનો મોટો કાફલો તૈનાત કરવામાં આવ્યો હતો અને વિવિધ સ્થળોએ ચેકિંગ કરવામાં આવ્યું હતું.

પોલીસે ટીમો બનાવી આરોપીની શોધખોળ શરૂ કરી

હાલ ધ્રુવરાજસિંહ પોલીસ પકડથી દૂર હોવાથી તેની શોધખોળ માટે પોલીસની અલગ-અલગ ટીમો દ્વારા કાર્યવાહી કરવામાં આવી રહી છે. ફાયરિંગ પાછળનું ચોક્કસ કારણ શું હતું અને ઘટનામાં અન્ય કોઈની સંડોવણી છે કે કેમ તે અંગે પણ પોલીસ તપાસ કરી રહી છે.

આ પણ વાંચોઃ VTV Digital નવરાત્રિ કોન્ટેસ્ટમાં નવમા દિવસના વિજેતાઓ જાહેર, આજના 8 વિજેતાઓની યાદી, જુઓ આજનો સવાલ

પોલીસની કામગીરી સામે સવાલો ઊભા થયા

48 કલાક બાદ પણ આરોપી ન ઝડપાતા પોલીસની કામગીરી સામે સવાલો ઊભા થયા છે. હવે પોલીસ આરોપીને ઝડપી પાડવામાં કેટલો સમય લે છે તેના પર સૌની નજર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ