VIDEO / કેચ પકડવા જતા બે પ્લેયર એવાં ટકરાયા કે હસીને લોથપોથ થઇ જશો!

ઓસ્ટ્રેલિયાની A ટીમ હાલમાં ભારત પ્રવાસે છે, જ્યાં બે બિનઅધિકૃત ટેસ્ટ મેચો બાદ હવે 3 મેચોની વનડે સિરીઝ રમાઈ રહી છે. પુડુચેરીના સીચેમ ગ્રાઉન્ડ પર ખેલાયેલી પ્રથમ વનડે મેચના પ્રારંભિક તબક્કામાં જ એક હૃદયધબકાર ચૂકી જવાય તેવી ઘટના સામે આવી હતી. કેચ પકડવાની ઉતાવળમાં વિકેટકીપર પ્રભસિમરન સિંહ અને ઓલરાઉન્ડર નિશાંત સિંધુ વચ્ચે મેદાન પર ગંભીર ટક્કર થઈ હતી. જોકે, સદનસીબે બંને ખેલાડીઓને કોઈ ગંભીર ઈજા પહોંચી નહોતી.

Yash Thakur gets the big fish! 🎣 Mitchell Owen departs as India A get their first wicket.🔥 #INDAvAUSA 👉 Streaming Live Now https://t.co/zk2ABY21JG https://t.co/ptGL7Ho9M1

— Star Sports (@StarSportsIndia) October 6, 2026

કેવી રીતે ઘટી આ ઘટના?

આ ઘટના ઓસ્ટ્રેલિયન ઇનિંગ્સના પ્રથમ વિકેટ સમયે બની હતી. ભારતીય ઝડપી બોલર યશ ઠાકુરે ઓસ્ટ્રેલિયન ઓપનર મિચેલ ઓવેનને શોર્ટ અને ઓફ-સ્ટમ્પની બહાર જતો બોલ ફેંક્યો હતો. ઓવેને બોલ પર મોટો શોટ મારવાનો પ્રયાસ કર્યો, પરંતુ બોલ બેટની કિનારી લઈને પોઇન્ટ અને વિકેટકીપરની વચ્ચે હવામાં ઘણો ઊંચો ગયો. સ્ટમ્પની પાછળથી વિકેટકીપર પ્રભસિમરન સિંહ પોઇન્ટ તરફ દોડ્યો, જ્યારે પોઇન્ટ પર ફિલ્ડિંગ કરી રહેલો નિશાંત સિંધુ પણ કેચ લેવા માટે બોલ તરફ ઝડપથી આગળ વધ્યો. બંનેમાંથી કોઈ ખેલાડીએ કૉલ આપ્યો ન હતો, જેના કારણે બંને લાઈવ મેચમાં સામસામે આવીને ભયાનક રીતે અથડાયા હતા. સદનસીબે, આ અથડામણ વચ્ચે પણ પ્રભસિમરને કેચ સફળતાપૂર્વક પકડી લીધો હતો. આ પ્રકારની ગંભીર બેદરકારીના કારણે ઈજા થવાના જોખમને જોઈને નિશાંત સિંધુ મેદાન પર ખૂબ નારાજ જોવા મળ્યો હતો. હાલ આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.

વધુ વાંચો : ગુજરાત સહિત 4 રાજ્યોને જોડશે નવી અમૃત ભારત ટ્રેન, 130 કિમી પ્રતિ કલાકની ઝડપ, 10 કલાક 30 મિનિટમાં 2,532 કિમીનું અંતર

ભારતીય બોલરોનો કિલર સ્પેલ

મેદાન પર સર્જાયેલા આ ડ્રામા છતાં ભારતીય બોલરોએ પોતાની એકાગ્રતા જાળવી રાખીને ઓસ્ટ્રેલિયા પર સતત દબાણ બનાવી રાખ્યું હતું. યશ ઠાકુર અને અર્શદ ખાનની નવી બોલથી ધારદાર બોલિંગ ઓસ્ટ્રેલિયન બેટ્સમેનો માટે આફત બની રહી હતી. યશ ઠાકુરે મિચેલ ઓવેન બાદ સેમ કોન્સ્ટાસને પણ પેવેલિયન ભેગો કર્યો હતો. પાવરપ્લે બાદ નિશાંત સિંધુ અને સૂર્યાંશ શેડગેએ સ્પિન આક્રમણ સંભાળીને વધુ 2 મહત્વપૂર્ણ વિકેટો ઝડપી હતી. ભારતીય બોલરોના આ ઘાતક પ્રદર્શનના કારણે ઓસ્ટ્રેલિયાની અડધી ટીમ માત્ર 87 રનના સ્કોર પર જ પેવેલિયન ભેગી થઈ ગઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ