હવામાન અપડેટ / અમદાવાદીઓ ગરમી સહન કરવા તૈયાર રહેજો, ચોમાસાની વિદાય બાદ પણ ગરમીનો પ્રકોપ યથાવત

અમદાવાદ શહેરમાં ચોમાસાની વિદાય બાદ ગરમીનો પ્રકોપ યથાવત્ છે. આજે મહત્તમ તાપમાન ૩૮ ડિગ્રીની આસપાસ પહોંચવાની શક્યતા હોવાથી નાગરિકોને આકરી ગરમીનો સામનો કરવો પડી શકે છે. હવામાન વિભાગના અનુમાન મુજબ આગામી સાત દિવસ દરમિયાન મહત્તમ અને લઘુત્તમ તાપમાનમાં મોટો ફેરફાર થવાની શક્યતા નથી.

શહેરમાં આકાશ મુખ્યત્વે સ્વચ્છ રહેવાની આગાહી છે. રાજ્યના મોટાભાગના વિસ્તારોમાં પણ તાપમાન ઊંચું રહેવાની શક્યતા છે. ગઈ કાલે રાજકોટ ૩૯.૬ ડિગ્રી સાથે રાજ્યનું સૌથી ગરમ શહેર રહ્યું હતું, જ્યારે સુરેન્દ્રનગરમાં ૩૮.૮ અને ડીસામાં ૩૮.૬ ડિગ્રી મહત્તમ તાપમાન નોંધાયું હતું.

આ પણ વાંચોઃ અમદાવાદના મકરબા ફ્લાયઓવર પાસે ટ્રાફિકજામથી રાહત માટે સિગ્નલ મૂકવાનો નિર્ણય

હવામાન વિભાગના જણાવ્યા અનુસાર, છેલ્લા ૨૪ કલાક દરમિયાન ગુજરાતમાં વાતાવરણ મુખ્યત્વે સૂકું રહ્યું હતું. સૌરાષ્ટ્રમાં મહત્તમ તાપમાન સામાન્યની આસપાસ, જ્યારે રાજ્યના અન્ય ભાગોમાં સામાન્ય કરતાં ઊંચું નોંધાયું હતું. આગામી દિવસોમાં પણ ગરમીનો આ માહોલ જળવાઈ રહેવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ