દુઃખદ / જમ્મુમાં ફરજ બજાવતા તળાજાના જવાને શહીદી વહોરી, 11 ઓક્ટોબરે મનદીપસિંહ ગોહિલની અંતિમયાત્રા નીકળશે

ભાવનગર જિલ્લાના તળાજા તાલુકાના નેશીયા ગામ માટે દુઃખદ સમાચાર સામે આવ્યા છે. ભારતીય સેનામાં ફરજ બજાવતા ગામના 32 વર્ષીય જવાન મનદીપસિંહ બોઘુભા ગોહિલનું ફરજ દરમિયાન હાર્ટ એટેક આવતા નિધન થયું છે. જમ્મુ ખાતે ફરજ બજાવતા જવાને 9 ઓક્ટોબર, 2026ના રોજ અંતિમ શ્વાસ લીધા હતા.

11 ઓક્ટોબરે નીકળશે અંતિમયાત્રા

મનદીપસિંહ ગોહિલની અંતિમયાત્રા 11 ઓક્ટોબર, 2026ના રોજ યોજાશે. અંતિમયાત્રા તળાજા તાલુકાના રાજપરા ગામથી શરૂ થઈ દિહોર થઈને નેશીયા ગામે પહોંચશે. ત્યારબાદ નેશીયા ગામમાં સૈન્યના ગાર્ડ ઓફ ઓનર સાથે શહીદ જવાનની અંતિમવિધિ કરવામાં આવશે.

આ પણ વાંચોઃ અમદાવાદ ગ્રામ્ય પોલીસે 700 કિલો પોષડોડા ઝડપ્યા, 1.47 કરોડનો મુદ્દામાલ જપ્ત

ગામમાં શોકની લાગણી

દેશની સેવા દરમિયાન જવાનના નિધનના સમાચારથી નેશીયા ગામ સહિત સમગ્ર પંથકમાં શોકની લાગણી ફેલાઈ છે. 32 વર્ષની નાની ઉંમરે જવાને દુનિયાને અલવિદા કહેતાં પરિવારજનો અને સ્વજનો પર દુઃખનો પહાડ તૂટી પડ્યો છે. દેશની રક્ષા માટે ફરજ બજાવતા જવાનને અંતિમ વિદાય આપવા માટે અંતિમયાત્રા દરમિયાન લોકો મોટી સંખ્યામાં જોડાય તેવી શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ