ક્રાઈમ / 'તું તો એન્જલ છે', અમદાવાદમાં IIMમાં અભ્યાસ કરતી યુવતી સાથે ડિલિવરી બોયે કરી છેડતી

અમદાવાદના વસ્ત્રાપુરમાં આઈઆઈએમમાં અભ્યાસ કરતી યુવતી સાથે શારીરિક છેડતીની ફરિયાદ દાખલ થઈ છે. યુવતીનો આરોપ છે કે તેણે જ્યારે ખાવાનું મંગાવ્યું ત્યારે જે યુવક લઈને આવ્યો તેણે તેની છેડતી કરી હતી.

યુુવતીએ ફરિયાદમાં શું કહ્યું?

યુતીએ વસ્ત્રાપુર પોલીસ સ્ટેશનમાં નોંધાવેલી ફરિયાદમાં કહ્યું કે ડિલિવરી બોયે તેને એન્જલ કહીને છેડતી કરી હતી. વસ્ત્રાપુર પોલીસે વાડજના નિપમ ઠક્કર નામના 37 વર્ષીય યુવકની ધરપકડ કરી છે. આરોપી નિપમ ઠક્કર ડિલિવરી બોય કામ કરે છે..

યુવતી સામે બિભસ્ત શબ્દો ઉચ્ચાર્યા

ફૂડ ડિલિવરી કરવા આવેલા યુવકે ન કેવળ છેડતી કરી પરંતુ યુવતી સામે અત્યંત બિભસ્ત અને અશોભનીય શબ્દો બોલીને તેનું માનભંગ કરવાનો પ્રયાસ કર્યો હતો.

વધુ વાંચો : બિલ્ડિંગ છોડીને જતા રહ્યાં કે તરત પૂરમાં તણાઈ ગયું, પૂરના એક જ દિવસ પહેલા ઘરે આવી ગયા વડોદરાના 4 લોકો

પોલીસે ડિલિવરી બોયની ધરપકડ કરી

ઘટનાની ગંભીરતાને ધ્યાનમાં રાખીને વસ્ત્રાપુર પોલીસે તાત્કાલિક ધોરણે કાયદેસરનો ગુનો નોંધી કાર્યવાહી શરૂ કરી હતી. પોલીસે ગુનામાં સંમેલિત ફૂડ ડિલિવરી બોયની ઓળખ કરી તેની ટૂંક સમયમાં જ ધરપકડ કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ