સાયન્સ / હેં! અવકાશી પિંડ પર અણુ બોમ્બ! ચંદ્ર સાથે ટકરાનાર એસ્ટરોઈડને અણુ બોમ્બથી ઉડાવાશે, નાસાનો પ્લાન

અવકાશમાં એક એસ્ટરોઇડ ચંદ્ર સાથે ટકરાય તેવી સંભવના ઉભી થઇ છે. જેથી વૈજ્ઞાનિકોએ પરમાણુ વિસ્ફોટ દ્વારા આ એસ્ટરોઇડને ઉડાવી દેવાનું સૂચન કર્યું છે. આ મિશનનો હેતુ એસ્ટરોઇડને નાના ટુકડાઓમાં તોડી નાખવાનો છે જેથી કોઈ નુકસાન ન પહોંચે. અગાઉ નાસાનું 2022 DART મિશન ચલાવવામાં આવ્યું હતું. જેમાં એક અવકાશી ખડકને રસ્તાથી હટાવાયો હતો. પરંતુ આ નવા મિશનમાં એસ્ટરોઇડને સંપૂર્ણ રીતે નાશ કરવા માટે પરમાણુ વિસ્ફોટ કરાશે.

• આ એસ્ટરોઇડ પૃથ્વી સાથે ટકરાશે ?
  

નાસાએ શરૂઆતમાં આ એસ્ટરોઇડ 2024YR4 ને અત્યંત ખતરનાક માન્યો હતો. પરંતુ તેની પૃથ્વી સાથે અથડાવાની સંભાવના હવે ઘટીને માત્ર 0.00081 ટકા થઈ ગઈ છે, પરંતુ ચંદ્ર સાથે અથડાવાની સંભાવના હજુ પણ 4 ટકા છે. વૈજ્ઞાનિકો અનુસાર, એસ્ટરોઇડને રસ્તાથી હટાવવાની જગ્યાએ તેને નાશ કરવા પર વિચાર થઇ રહ્યો છે.

• નાસાનું DART મિશન શું હતું?
  

નાસાનું DART મિશન 2022 માં સફળ રહ્યું હતું. જેમાં એક અવકાશયાનને 14,000 માઇલ પ્રતિ કલાકની ઝડપે એક નાના એસ્ટરોઇડ (ડિમોર્ફોસ) સાથે અથડાવવામાં આવ્યું હતું. તેનાથી સાબિત થયું હતું કે, એસ્ટરોઇડને રસ્તાથી હટાવી શકાય છે. પરંતુ અત્યારનું 2024YR4 અલગ છે કેમ કે, તે ખુબ મોટું છે, James Webb Telescope મુજબ તેની લંબાઈ આશરે 300 ફૂટ છે.

વધુ વાંચો : બાપ રે! સોલર સિસ્ટમની બહાર એક-બે નહીં પૂરા 6000 એલિયન ગ્રહો મળ્યાં, શોધનારનું નામ ચોંકાવનારુ

• આ મિશનમાં શું કરાશે?
  NASA ના આ પ્રસ્તાવિત મિશનમાં એસ્ટરોઇડને રોકવા માટે બે 100-કિલોટન પરમાણુ એક્સપ્લોઝીવ્સ મોકલવામાં આવશે. આ એક્સપ્લોઝીવે ખુદ રસ્તો શોધીને ટાર્ગેટ સુધી પહોંચવું પડશે. આ એક્સપ્લોઝીવમાં હિરોશિમા અથવા નાગાસાકી પર નાખવામાં આવેલા 5 થી 8 બોમ્બ જેટલો પાવર હશે. જો પહેલો ટ્રાય નિષ્ફળ જાય તો તેના માટે બેકઅપ પણ હશે. આ યોજનાથી NASAને મિશન તૈયાર કરવા અને લોન્ચ કરવા માટે 5 થી 7 વર્ષનો સમય મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ