હેલ્થ / શું તમે પણ સતત મોબાઇલ-લેપટોપ પર કરી રહ્યાં છો કામ? તો ચેતી જજો

આજના સમયમાં મોબાઇલ અને લેપટોપ આપણા જીવનનો મહત્વનો ભાગ બની ગયુ છે. કામ, ભણતર , મનોરંજન અને સોશિયલ મીડિયા દરેક વસ્તુ માટે સ્ક્રીનનો ઉપયોગ વધી ગયો છે. લાંબા સમય સુધી મોબાઇલ જોવો કે લેપટોપ પર કામ કરવાથી ગરદન નમેલી રહે છે અને આંખો પર સતત દબાણ પડે છે. આનાથી ગરદન જકડાઇ જાય, દુખાવો અને આંખોમાં બળતરા અથવા ભારે લાગવી જેવો અનુભવ થઈ શકે છે. ઘણા લોકો શરૂઆતમાં આને નાની સમસ્યા તરીકે અવગણે છે, પરંતુ સમય જતાં, આ સમસ્યા વધી શકે છે. તેથી, ચોક્કસ આદતોમાં સુધારો કરવો ખૂબ જ જરુરી છે.

સતત સ્ક્રીન સામે જોવાથી ઊંઘ પર પણ અસર થઈ શકે છે અને માથાનો દુખાવો થઈ શકે છે. જો આ દુખાવો દૂર ન કરવામાં આવે તો, આ દુખાવો રોજિંદા જીવનમાં ખલેલ પહોંચાડી શકે છે. આવો આને રોકવા માટે તમારે કેટલીક આદતો સુધારવી જોઈએ.

ગરદન અને આંખોના દર્દ બચાવ માટે કઇ આદતો સુધારવી?

આ બાબતે એક્સપર્ટનું કહેવુ છે કે, ગરદન અને આંખના દુખાવાથી બચવા માટે, સ્ક્રીન જોવાની તમારી આદતો બદલવી મહત્વપૂર્ણ છે. તમારા મોબાઇલ ફોન અથવા લેપટોપનો ઉપયોગ કરતી વખતે યોગ્ય પોસ્ચ્યર જાળવો અને તમારી ગરદનને વધુ પડતી વાળવાનું ટાળો. કલાકો સુધી એક જ સ્ક્રીન સામે જોવાનું ટાળો; વારંવાર વિરામ લો. તમારી આંખોને થોડો આરામ આપવા માટે સ્ક્રીનની તેજને સમાયોજિત કરો.

ફોનને આંખો બહુ પાસ લાવવાના કારણે આદત નુકસાનદાયક થઇ શકે છે. આ ઉપરાંત કામ કરતા સમય ખુરશી અને ટેબલની ઉંચાઇ યોગ્ય હોવુ જોઇએ. ખોટી આદતો લાંબા સમયમાં દુખાવો વધી શકે છે, તેથી તેમને સમય રહેતા સુધારવી જરુરી છે.

નજર અંદાજ કરવા પર કઇ બીમારીનો ખતરો?

જો ગર્દન અને આંખોના દુખાવાને લાંબા સમય સુધી નજરઅંદાજ કરો, તો ગંભીર સમસ્યાઓ થઇ શકે છે. ગર્દનમાં સર્વાઇકલ પેન, માંસપેશિઓમાં ખેંચાણ અને રીઢ સુધી તકલીફ વધી શકે છે. આંખોની રોશની નબળી થવી, ડ્રાઇ આઇ સિંડ્રોમ અને સતત માથામાં દુખાવાની સમસ્યા થઇ શકે છે, અમુક મામલામાં ઉંઘની ઉણપ અને સ્ટ્રેસ વધવા લાગે છે જે માનસિક સ્વાસ્થ્યને કરે છે.

આ આદતો અપનાવો

• દર 20 મિનિટમાં આંખોને આરામ આપો
• મોબાઇલનો ઉપયોગ કરતી વખતે થોડા દૂર રાખો
• ગર્દન અને આંખોની હળવી એક્સરસાઇઝ કરો
• સ્ક્રીન ટાઇમ સીમિત રાખો
• સૂતા પહેલા મોબાઇલનો ઉપયોગ ઓછો કરો.