ગજબ / અમેરિકાની સડકો નીચે દબાવી દેવાયા લાખો જુના ટાયર, વાયરલ વીડિયોએ ખોલ્યું રહસ્ય

અમેરિકાએ સ્ક્રેપ ટાયરનો એક વ્યવહારુ અને પર્યાવરણને અનુકૂળ ઉકેલ શોધી કાઢ્યો છે. સોશિયલ મીડિયા પર વાયરલ થઈ રહેલા એક વીડિયોમાં તેની ટેક્નિક વિષે જણાવવામાં આવી રહ્યું છે. જેમાં અમેરિકામાં જૂના ટાયરોને રસ્તાઓ નીચે દાટી દેવામા આવે છે. તેનો ઉપયોગ રસ્તા બનાવવા માટે થઈ રહ્યો છે.

 વાયરલ વીડિયો મુજબ અમેરિકા લાંબા સમયથી યુઝ થયેલા ટાયરોની સમસ્યાનો સામનો કરી રહ્યું છે. આ ટાયર રબર, સ્ટીલ અને બીજા કેમિકલથી બન્યા હોય છે આથી તેનો નિકાલ આસાન નથી અને તે જલ્દી ઓગળતા પણ નથી. તેને બાળવા પણ ખતરનાક છે કારણ કે તે ભયંકર ઝેરી વાયુઓ છોડે છે. તો તેને લેન્ડફિલમાં ફેંકવામાં આવે તો તે દાયકાઓ સુધી એમ જ પડ્યા રહે છે.

View this post on Instagram

A post shared by Worldtradepro.com (@worldtradeprodotcom)

આથી આ સમસ્યાનું સમાધાન એન્જીનીયરોએ શોધી કાઢી લીધું છે. વીડિયો મુજબ આ જુના ટાયરોને રસ્તાના પાયામાં ટાઈટ રીતે જોડવામાં આવે છે. તો બે ટાયર વચ્ચેની જગ્યા કાંકરીથી ભરવામાં આવે છે અને તેની ઉપર ડામરનું લેયર નાખવામાં આવે છે. ઉપરથી આ એક સામાન્ય રસ્તો લાગે છે પરંતુ તેની નીચે હજારો જૂના ટાયર હોય છે.

આ ટેક્નિકનો એક ફાયદો એ છે કે, રોડ  બનાવવા નવી બાંધકામ સામગ્રીની જરૂરિયાત ઘટે છે. બીજું કે ટાયર મજબૂત અને ફ્લેક્સિબલ હોય છે જેના કારણે તે વાહનોના દબાણનો સામનો કરી શકે છે. તેનાથી રોડનું આયુષ્ય વધે છે. આ સિવાય લાખો જુના ટાયરનો ફરીથી ઉપયોગ થાય છે.

વધુ વાંચો : 20,000 સિક્કા મળ્યાં, રાતમાં માલામાલ, ઘરના આંગણામાંથી મળ્યો ખજાનો

આ વીડિયોના કેપ્શનમાં એમ પણ કહેવાયું હતું કે,  દર વર્ષે અમેરિકામાં આશરે 25 કરોડ જુના ટાયર કાઢી નાખવામાં આવે છે. તેમાંના અનેક ટાયરને નાના ટુકડાઓમાં કાપીને ક્રમ્બ રબર બનાવવામાં આવે છે જે બાદમાં રબરાઇઝ્ડ ડામર બનાવવા માટે ડામર સાથે ભેળવવામાં આવે છે. જે રોડની ડ્યુરેબિલીટી વધારે છે અને મેન્ટેનન્સ ખર્ચ પણ ધટાડે છે.  આ ટેક્નિકનો ઉપયોગ કેલિફોર્નિયા, એરિઝોના અને ફ્લોરિડા જેવા રાજ્યોમાં હાઇવે, પાર્કિંગ લોટ અને રમતના મેદાનોમાં થઈ રહ્યો છે.  

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ