હેલ્થ / શું આદુવાળી ચા પીવાથી ખરેખર વજનમાં ઘટાડો થાય? રિસર્ચમાં થયો ખુલાસો

આપણે અહીંયા આદુવાળી ચા ખુબ પીવાય છે. આદુવાળી ચા માત્ર સ્વાદ માટે જ નહીં પણ તે સ્વાસ્થ્ય માટે પણ ખૂબ ફાયદાકારક મનાય છે. લોકો વજન ઘટાડવા માટે વિવિધ પ્રકારના પીણાં પીવે છે. જેમાં ગ્રીન ટી, કોફી અને બીજી વસ્તુનો પણ સમાવેશ થાય છે. પણ તમને વિચાર આવી શકે છે કે, શું આદુવાળી ચા વજન ઘટાડવામાં મદદરૂપ છે આના પર હવે નવી સ્ટડી સામે આવી છે. ચાલો જાણીએ કે, આદુવાળી ચા ખરેખર વજન ઘટાડવા માટે ફાયદાકરક છે?

• શું કહે છે રિસર્ચ?
  

નેશનલ લાઇબ્રેરી ઓફ મેડિસિનમાં પ્રકાશિત એક રીવ્યુ અને મેટા એનાલિસિસ અનુસાર, આદુનું સેવન વજન પર સકારાત્મક અસર કરે છે. આ એનાલિસિસમાં 14 સ્ટડી સામેલ હતી જેમાં 473 લોકો જોડાયા હતા. આ રિપોર્ટ મુજબ, નિયમિત આદુનું સેવન શરીરના વજનમાં ઘટાડો, વેસ્ટ ટૂ હિપ રેશિયોમાં સુધારો, ફાસ્ટિંગ ગ્લુકોઝમાં ઘટાડો અને ઇન્સ્યુલિન રેઝિસ્ટન્સમાં ઘટાડો જોવા મળ્યો હતો. આદુએ ગુડ કોલેસ્ટ્રોલને વધારવામાં પણ મદદ કરી હતી. પણ ઇન્સ્યુલિન, BMI, ટ્રાઇગ્લિસરાઇડ્સ, ટોટલ અને LDL કોલેસ્ટ્રોલ પર કોઈ નોંધપાત્ર અસર જોવા મળી નથી. આ સ્ટડીના પરિણામો એ પણ સૂચવે છે કે આદુની અસરો ભલે નોંધપાત્ર ન હોઈ પણ તે વજન સંબંધિત પરિમાણો પર સકારાત્મક અસર કરે છે.

• વજન ઘટાડવા આદુ કેટલું અસરકારક?
  

આ રિપોર્ટમાં નોંધપાત્ર ઘટાડાનો ઉલ્લેખ થયો છે પરંતુ આ સ્ટડીની લિમિટેશન પણ છે. તેમ છતાં તમારી ડેઇલી ચામાં આદુ ઉમેરવાથી માત્ર સ્વાદ નહીં વધે પરંતુ સ્વાસ્થ્યમાં પણ થોડો વધારો જોવા મળી શકે છે.

વધુ વાંચો : પેશાબ કરતી વખતે ફ્લો ઓછો આવે તો સાવધાન! આ જીવલેણ કેન્સરનો ખતરો

• આદુના બીજા લાભ
  

આદુ પાચન સુધારવામાં મદદ કરે છે, ઉલટી અને ઉબકા દૂર કરે છે, સોજા અને વિવિધ ઇન્ફેક્શનને રોકવામાં મદદ કરે છે. તે ડાયાબિટીસ અને કેન્સરના જોખમને ઘટાડવામાં પણ મદદરૂપ સાબિત થઇ શકે છે. આદુમાં એન્ટીઑકિસડન્ટો અને પોટેશિયમ, ફોસ્ફરસ અને મેગ્નેશિયમ જેવા પોષક તત્વો પણ હોય છે. 

(Disclaimer : આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવીvtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ