દુઃખદ / અમેરિકાના પેન્સિલવેનિયામાં ગોળીબાર, બે બાળકો સહિત 9 લોકોના મોત

અમેરિકાના પેન્સિલવેનિયાના એરીમાં ગોળીબારમાં નવ લોકોના મોતની પુષ્ટિ થઈ છે. ગવર્નર જોશુઆ ડેવિડ શાપિરોએ જાહેરાત કરી કે બે બાળકોના પણ મોત થયા છે. પોલીસનું કહેવું છે કે શંકાસ્પદ ગોળીબાર કરનારનું પણ મોત થયું છે.

સ્થાનિક મીડિયાને ટાંકીને ન્યૂઝ એજન્સી એપીએ એરી પોલીસ ચીફ રિક લોરાહને ટાંકીને જણાવ્યું હતું કે તેમણે 28 વર્ષથી વધુની કારકિર્દીમાં આવું ક્યારેય જોયું નથી.

I’ve spoken with Mayor Devlin and offered my Administration’s full support following the tragic mass shooting in Erie last night — killing nine of our fellow Pennsylvanians. My heart breaks for this family. Lori and I are praying for their loved ones and the entire Erie community.

— Governor Josh Shapiro (@GovernorShapiro) October 10, 2026

"મને નથી લાગતું કે એરી શહેરમાં ક્યારેય આટલી મોટી જાનહાનિ અને વિનાશ જોવા મળ્યો હશે જેટલો આપણે હમણાં જ જોયો છે," લોરાહે કહ્યું. તેમણે આ ઘટના વિશે વધુ વિગતો આપવાનો ઇનકાર કર્યો, જોકે તેમણે કહ્યું કે તે "અત્યંત ચિંતાજનક" હતી.

રાજ્યપાલે કહ્યું કે તેમણે સ્થાનિક વહીવટને ટેકો આપવાનું વચન આપ્યું છે.

શાપિરોએ શનિવારે જણાવ્યું હતું કે તેમણે એરીના મેયર ડારિયા ડેવલિનને તેમના વહીવટીતંત્ર તરફથી સંપૂર્ણ સમર્થન આપવાની ખાતરી આપી છે. મેયરે એવી પણ જાહેરાત કરી હતી કે શંકાસ્પદ ગોળીબાર કરનાર માર્યો ગયો છે અને હવે જનતા માટે કોઈ ખતરો નથી. એરી પિટ્સબર્ગથી લગભગ 206 કિલોમીટર ઉત્તરમાં આવેલું છે.

આ પણ વાંચોઃ શું શિયાળામાં ઠંડી નહી પડે! અલ નીનો વધુ મજબૂત બનતા હવામાન પર મંડરાયો ખતરો

અગાઉ, સ્થાનિક વહીવટીતંત્રે સોશિયલ મીડિયા પર આ ઘટના વિશે માહિતી શેર કરતા કહ્યું હતું કે, "એરીમાં 7મી અને પેરી સ્ટ્રીટ પર આજે રાત્રે એક ભયાનક ઘટના બની. ઘણા લોકો માર્યા ગયા. અમે સમજીએ છીએ કે સ્થાનિક રહેવાસીઓ આ ઘટનાથી આઘાતમાં છે. અમે જનતાને ખાતરી આપવા માંગીએ છીએ કે પરિસ્થિતિ હવે નિયંત્રણમાં છે. ગોળીબાર કરનારનું મોત થયું છે. હાલમાં જનતા માટે કોઈ ખતરો નથી. અમારા વિચારો પીડિતો, તેમના પરિવારો અને આજની રાતની ઘટનાથી પ્રભાવિત કોઈપણ વ્યક્તિ સાથે છે. અમે સ્થાનિક પોલીસ વિભાગ સાથે કામ કરવાનું ચાલુ રાખીએ છીએ."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ