ભારે કરી / VIDEO: ફક્ત 10 મિનિટમાં પી ગયો 12 એનર્જી ડ્રિંક, પછી થઈ આવી હાલત, જુઓ વીડિયો

• આશરે 10 મિનિટમાં 12 એનર્જી ડ્રિંક્સ પી ગયો
• આ શખ્સે હાર્ટ એટેક અને પીઠના દુ:ખાવાની કરી ફરિયાદ
• તાત્કાલિક હોસ્પિટલમાં થવુ પડ્યુ દાખલ

યુ-ટ્યુબરે આશરે 10 મિનિટમાં 12 એનર્જી ડ્રિંક્સ પી લીધા

તમે એક વખતમાં કેટલા એનર્જી ડ્રિંક પી શકો છો. એક, બે અથવા તેનાથી વધુ ચાર. પરંતુ બ્રિટનમાં રહેતા એક 36 વર્ષના યુ-ટ્યુબરે આશરે 10 મિનિટમાં 12 એનર્જી ડ્રિંક્સ પી લીધા. જેના કારણે તેને તાત્કાલિક હોસ્પિટલમાં દાખલ કરવામાં આવ્યો. યુ-ટ્યુબ પર તેનો એક વીડિયો અપલોડ કરવામાં આવ્યો છે. આ શખ્સના શરીરના અંગો પર તેની શુ અસર પડી તેને લઇને એક વીડિયો તૈયાર કરવામાં આવ્યો છે.  

'જે શખ્સે એનર્જી ડ્રિંક પીધા તે શરીરે ખૂબ ભારે હતો'

વીડિયોમાં ડૉકટર બર્નાર્ડ સૂ ને આ સ્થિતિ અંગે વાતચીત કરતા જોઇ શકાય છે. 36 વર્ષના જે વ્યક્તિએ આ કામ કર્યુ તે શરીરે ખૂબ ભારે હતો. જે શખ્સે આ એનર્જી ડ્રિંક પીધુ તેનુ નામ જેએસ છે. વીડિયોમાં ડૉક્ટરે દાવો કર્યો કે એનર્જી ડ્રિંક પીધા બાદ આ શખ્સે હાર્ટ એટેક અને પીઠમાં દુ:ખાવાની ફરિયાદ કરી. તેમણે કહ્યું, બધા 12 એનર્જી ડ્રિંક પીધા બાદ જેએસને સારું ફીલ ના થયુ. વીડિયોમાં વધુમાં ડૉકટરનો દાવો છે કે આ શખ્સ ઘણા કલાકો સુધી કશુ ખાતો-પીતો નહોતો. આ સાથે તેણે સારવાર પર ધ્યાન આપવામાં પણ મોડુ કર્યુ. 

ખતરનાક છે એનર્જી ડ્રિંક્સ 

મહત્વનું છે કે, એનર્જી ડ્રિંક્સમાં શુગરની માત્રા ઘણી વધારે હોય છે. કહેવામાં આવે છે કે એક એનર્જી ડ્રિંકમાં લગભગ 13 ચમચી શુગરની માત્રા હોય છે. જેના કારણે તમારા શરીરમાં શુગરનુ લેવલ અચાનક વધી જાય છે, જેને ઘણુ ખતરનાક માનવામાં આવે છે.