વિશ્વ / ઇંગ્લેન્ડમાં એક વ્યક્તિએ આખી મસ્જિદને લગાડી દીધી આગ, CCTV થયા વાયરલ

World News: ઇંગ્લેન્ડમાં એક મસ્જિદમાં આગ લગાવવામાં આવતા હડકંપ મચ્યો છે. સીસીટીવી ફૂટેજમાં માસ્ક પહેરેલા હુમલાખોર કેદ થયો છે. સ્થાનિક પોલીસનું કહેવું છે કે આગમાં મસ્જિદના આગળના દરવાજા અને એક કારને નુકસાન થયું છે.

ઇંગ્લેન્ડમાં એક મસ્જિદમાં શનિવારે આગ લગાડવાનો પ્રયાસ થયો હતો. સમગ્ર યુરોપમાં ધાર્મિક સ્થળો સામે હિંસક ગુનાઓની સમાન ઘટનાઓ નોંધાઈ રહી છે. દક્ષિણ ઇંગ્લેન્ડમાં એક મસ્જિદ પર થયેલા આ હુમલા બાદ પોલીસ આ કેસની તપાસ કરી રહી છે. એક મીડિયા અહેવાલ મુજબ પોલીસે આ કેસમાં બે શંકાસ્પદ લોકોની તસવીર જાહેર કરી છે.

સ્થાનિક પોલીસ અનુસાર અધિકારીઓને શનિવારે રાત્રે 10 વાગ્યા (સ્થાનિક સમય) પહેલા પૂર્વ સસેક્સના પીસહેવનમાં ફિલિસ એવન્યુ પર આગ લગાડવાની જાણકારી મળી હતી. સમાચાર એજન્સીના અહેવાલ મુજબ પોલીસે જણાવ્યુ કે આગથી મસ્જિદના આગળના દરવાજા અને એક કારને નુકસાન થયું છે. સદનસીબે કોઈને ઈજા થઈ નથી.

મસ્જિદના વોલંટિયર્સએ એક મીડિયાને જણાવ્યું હતું કે બે માસ્ક પહેરેલા માણસોએ દરવાજો ખોલવાનો પ્રયાસ કર્યો અને સીડીઓ પર પેટ્રોલ રેડ્યું. ત્યારબાદ હુમલાખોરોએ ઇમારતને આગ લગાવી દીધી.

આ પણ વાંચોઃ વર્લ્ડ / 'ખાવું હોય તો શરીરસુખ આપવું પડશે', ગાઝામાં છોકરીઓ પાસે મુકાઈ શરમજનક શરત, મચ્યો હડકંપ

એક નિવેદનમાં કહેવામાં આવ્યું છે કે, "નફરતથી ભરેલુ આ કામ અમારો સમુદાય કે અમારુ શહેરનું પ્રતિનિધિત્વ કરતું નથી. પીસહેવન હંમેશા દયાલુતા, સમ્માન અને એક બીજાના સમર્થનનું સ્થાન રહ્યુ છે. અને અમે તે મૂલ્યોને અપનાવવાનું ચાલુ રાખીશું." ડિટેક્ટીવ સુપરિન્ટેન્ડેન્ટ કેરી બોહાનાએ જણાવ્યું હતું કે હુમલાથી મુસ્લિમ સમુદાયમાં ચિંતા ફેલાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ