તમારા કામનું / શું તમે પણ રાખો છો 2 ક્રેડિટ કાર્ડ? તો રહેશો ફાયદામાં, એ કેવી રીતે?

ભારતમાં ક્રેકિટ કાર્ડનો યુઝ ઝડપથી વધી રહ્યો છે. ફાઈનાન્સિયલ ખર્ચાઓને મેનેજ કરવા માટે લોકો ક્રેડિટ કાર્ડનો ઉપયોગ કરે છે. ઘણા લોકો તો એકથી વધુ ક્રેડિટ કાર્ડ યુઝ કરે છે, પણ શું બે ક્રેડિટ કાર્ડ યુઝ કરવાનો નિર્ણય યોગ્ય છે? આવો જાણીયે એક્સપર્ટ શું કહે છે.

ઘણા એક્સપર્ટ બે ક્રેડિટ કાર્ડ રાખવાના નિર્ણયને યોગ્ય ગણે છે, કારણ કે આનાથી ખર્ચાને મેનેજ કરી શકાય છે. આ સાથે રિવોર્ડ્સ પણ વધારી શકાય છે. એક્સપર્ટ પણ આને ફાઈનાન્સિયલ કન્ડીશન મેનેજ કરવાની પણ યોગ્ય રીત માનવામાં ગણે છે. આવો જાણીએ એ ત્રણ કારણો જેનાથી ક્રેડિટ કાર્ડ વધુ ફાયદાકારક નિવડે છે.

રિવોર્ડ અને વધુ લાભ

બે ક્રેડિટ કાર્ડ હોય તો તમે પ્લાનિંગ કરીને દરેક કાર્ડનો ઉપયોગ અલગ અલગ પ્રકારના ખર્ચા માટે કરી શકો છો. એક કાર્ડનો ઉપયોગ કરિયાણાના સામાન અથવા રોજબરોજની વસ્તુઓ માટે કરી શકાય છે જેની પર કેશબેક મળ છે તો બીજા કાર્ડનો ઉપયોગ ઓનલાઈ શોપિંગ, ટ્રાવેલિંગ અથવા કેટેગરી માટે કરી શકાય છે.

સારો ક્રેડિટ સ્કોર

ક્રેડિટ સ્કોરને બે કાર્ડની મદદથી કંટ્રોલ કરી શકાય છે. બે કાર્ડને યોગ્ય રીતે યુઝ કરવાથી તમારો ક્રેડિટ યુઝ રેશિયો ઓછો થઈ શકે છે અને તમે બિલનું ફટાફટ પેમેન્ટ પણ કરી શકો છો. આનાથી તમારા ક્રેડિટ સ્કોરને જાળવી રાખવામાં અથવા તો સુધારવામાં પણ મદદ મળી શકે છે. જે ભવિષ્યમાં લોન અથવા નાણાકીય પ્લાનિંગ માટે મહત્વનું છે.

આ પણ વાંચોઃ ક્યાંક તમે તો આવી ભૂલ નથી કરી રહ્યાં ને? નહીંતર ક્રેડિટ સ્કોર ફટાકથી ઘટી જશે

ખર્ચા કંટ્રોલમાં રહેશે

જો તમારું પહેલું ક્રેડિટ કાર્ડ ખોવાઈ જાય કે બંદ થઈ જાય, તો બીજું કાર્ડ તમારી મદદ કરે છે. તમે એક કાર્ડ રોજિંદા ખર્ચ માટે અને બીજું ખાસ ખર્ચ માટે રાખી શકો છો, જેથી ખર્ચ નિયંત્રિત રાખવો સહેલો બને છે.

બે કાર્ડ હોવાને કારણે તમને વધુ સુવિધા મળે છે, પણ સાથે સાથે વધારે વ્યાજ અને ફી ભરવી પડી શકે છે. તેથી બીજું કાર્ડ લેતા પહેલાં પ્રોપર પ્લાનિંગ કરવું જરૂરી છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ