કાર્યવાહી / વિશ્વભરમાં ટ્વિટરે પોતાના પ્લેટફોર્મ પર રાજકીય જાહેરાત બંધ કરવાનો લીધો નિર્ણય, જાણો કારણ

• Twitter પર રાજકીય જાહેરાત હવે થશે નહીં
• CEO જેક ડોર્સીની જાહેરાત
• 22 નવેમ્બરથી નિયમ બનશે અમલી

ડોર્સીએ આપ્યા કારણો 

• એક રાજકીય મેસેજને ત્યારે રીચ(લોકો સુધી પહોંચે) મળે જ્યારે લોકો કોઇપણ એકાઉન્ટને ફોલો કરે છે અથવા મેસેજને રિટ્વીટ કરે છે. જાહેરાતને કારણે લોકો સુધી ટારગેટેડ પોલિટિકલ મેસેજ પહોંચતા હોય છે. અમારું માનવું છે કે, આ નિર્ણયને પૈસા સાથે ગણાવવો યોગ્ય નથી. 
• કમર્શિયલ એડવર્ટાઇઝર માટે ઇન્ટરનેટ એડવર્ટાઇજિંગ ખૂબ જ પાવરફુલ અને અસરકારક છે, પરંતુ તે પાવર રાજનીતિમાં મહત્વપૂર્ણ જોખમ લાવે છે. ત્યાં તેનો ઉપયોગ મતોને પ્રભાવિત કરે છે, જે લાખો લોકોના જીવન અસર કરે છે.
• ઇન્ટરનેટ પર રાજકીય જાહેરખબરો સામાન્ય લોકો વચ્ચેના સંવાદો માટે નવી પસંદગીઓની રજૂઆતો છે. મશીન લર્નિંગ આધારિત મેસેજનું ઓપ્ટિમાઇઝેશન અને માઇક્રો-ટાર્ગેટિંગ ભ્રામક અને  ફેક સૂચનાઓને અનિયંત્રિત કરે છે. 
• આ પડકારોની અસર ફક્ત રાજકીય જાહેરાતોને નહીં, તમામ ઇન્ટરનેટ સંદેશાઓને અસર કરશે. સારું રહેશે કે પૈસાને લઇને આવનારા વધારાના બોજ અને જટિલતા વગર મૂળ સમસ્યાઓ પર પોતાના પ્રયાસને કેન્દ્રિત કરવામાં આવે. 

22 નવેમ્બરથી લાગુ પડશે આ નિયમ 

We’ve made the decision to stop all political advertising on Twitter globally. We believe political message reach should be earned, not bought. Why? A few reasons…🧵

— jack 🌍🌏🌎 (@jack) October 30, 2019

ડોર્સીએ જણાવ્યું હતું કે, ટ્વિટરનો આ નિયમ આગામી 22 નવેમ્બરથી અમલી બનશે. જેમાં રાજકીય મુદ્દાઓ સાથે સાથે ઉમેદવારોની જાહેરખબર પર પણ પ્રતિબંધ રહેશે.
 
મતદારોની નોંધણી માટે આપી શકાશે જાહેરાત

કેટલાક અપવાદો સાથે, ટ્વિટર 15 નવેમ્બરના રોજ તેની નવી નીતિ રજૂ કરશે. લોકો મતદારોની નોંધણી માટે જાહેરાત કરી શકશે. આ સાથે, ટ્વિટર 22 નવેમ્બરના રોજ નવા નિયમનો અમલ પણ કરશે, જેથી જાહેરાતકર્તાઓને એક નોટિસનો સમયગાળો મળશે. તે જ સમયે, જેકે કહ્યું છે કે તે અભિવ્યક્તિની વાત નથી. અહીં પૈસા આપીને, રાજકીય ભાષણ આગળ કરીને લોકો પર મોટી અસર પડે છે. તેમણે વધુમાં જણાવ્યું છે કે આજ સુધી લોકશાહી પદ્ધતિ આ માટે તૈયાર થઈ નથી.