ધરપકડ / સોશિયલ મીડિયા ઈન્ફ્લુએન્સર મેડ સંધુની હત્યા કરનારા વધુ 3 આરોપી પકડાયા, વાપીમાં છુપાઈને બેઠા હતા

પંજાબના અમૃતસરમાં સોશિયલ મીડિયા ઈન્ફ્લુએન્સર મેડ સંધુની ગોળી મારીને કરવામાં આવેલી હત્યાના કેસમાં તપાસ એજન્સીઓને વધુ એક સફળતા મળી છે. ગુજરાત ATS અને વલસાડ SOGએ સંયુક્ત કાર્યવાહી કરીને વધુ ત્રણ આરોપીઓની ધરપકડ કરી છે. ત્રણેય આરોપીઓને વલસાડ જિલ્લાના વાપીમાંથી ઝડપી લેવામાં આવ્યા હતા.

મળતી માહિતી મુજબ, ધરપકડ કરાયેલા આરોપીઓની ઓળખ હરિસિમરનજીત સિંહ, ફતેહ સિંહ અને અરમાન સિંહ તરીકે થઈ છે. વાપીમાંથી ધરપકડ કર્યા બાદ ત્રણેય આરોપીઓને વધુ તપાસ માટે ગુજરાત ATSને સોંપવામાં આવ્યા છે.

અત્યાર સુધીમાં 4 આરોપીઓની ધરપકડ

આ કેસમાં અગાઉ અમદાવાદ ક્રાઈમ બ્રાન્ચે અમદાવાદમાંથી પરમિંદર પ્રસાદ નામના આરોપીની ધરપકડ કરી હતી. હવે વધુ ત્રણ આરોપીઓ ઝડપાતાં આ કેસમાં અત્યાર સુધીમાં કુલ ચાર આરોપીઓની ધરપકડ કરવામાં આવી છે.

આ પણ વાંચોઃ 'મારા રાજ્યના નાગરિકોએ મોંઘી ટિકિટ લેવી પડે એ ના પોશાય"; હર્ષ સંઘવીએ દિવાળી પહેલાં 1600 બસની ભેટ આપી

3 ઓક્ટોબરે થઈ હતી હત્યા

મળતી માહિતી અનુસાર, 3 ઓક્ટોબરના રોજ પંજાબના અમૃતસરમાં સોશિયલ મીડિયા ઈન્ફ્લુએન્સર મેડ સંધુની ગોળી મારીને હત્યા કરવામાં આવી હતી. આ ઘટનાને પગલે તપાસ એજન્સીઓ દ્વારા આરોપીઓને ઝડપી પાડવા માટે કાર્યવાહી હાથ ધરવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ