ટેકનોલોજી / જો-જો ફ્રી WiFiની લાલચમાં ફસાતા! નહીંતર થઇ જશે મોટો કાંડ, સરકારનું એલર્ટ જાહેર

WiFi: ફ્રી અને પબ્લિક વાઇ-ફાઇ લોકો માટે સુવિધાજનક છે. પરંતુ તેમાં ઘણા જોખમો પણ છે. આ કનેક્શનમાં વધુ સિક્યોરિટી નથી હોતી. જેના કારણે હેકિંગનો ખતરો મંડરાતો રહે છે.

મફત વાઇ-ફાઇની લાલચ મોંઘી સાબિત થઈ શકે છે. તમે ફ્રી પબ્લિક વાઇ-ફાઇનો ઉપયોગ કરી રહ્યા છો, તો તમારે વધારાની સાવધાની રાખવાની જરૂર છે. તહેવારો દરમિયાન આ તકેદારી મહત્વની છે. કારણ કે શોપિંગ મોલ, મેટ્રો સ્ટેશન અને અન્ય ભીડવાળા સ્થળોએ નેટવર્ક ઍક્સેસના અભાવને કારણે લોકો ઘણીવાર વ્યવહારો કરવા માટે તેમના ફોનને પબ્લિક વાઇ-ફાઇ સાથે કનેક્ટ કરે છે. તમે પણ આવું કરતા હોય તો સાવચેત રહેવાની જરૂર છે નહી તો ફ્રોડ થઇ શકે છે.

UGC એ એક ચેતવણી પણ જારી કરી છે

તાજેતરમાં યુનિવર્સિટી ગ્રાન્ટ્સ કમિશન (UGC) એ વિદ્યાર્થીઓને જાહેર વાઇ-ફાઇનો ઉપયોગ ન કરવાની સલાહ આપી છે. યુજીસી વિદ્યાર્થીઓને સલાહ આપે છે કે તેઓ તેમના વ્યક્તિગત અને કાર્યકારી ખાતાઓ ઍક્સેસ કરવા માટે પબ્લિક વાઇ-ફાઇનો ઉપયોગ ન કરે. આમ કરવાથી સ્કૈમ અને ફ્રોડનું જોખમ રહેલું છે.

જાહેર Wi-Fi ના જોખમો શું છે?

પબ્લિક વાઇ-ફાઇમાં વધારે સુરક્ષા હોતી નથી, અને એકવાર તમે પાસવર્ડ દાખલ કરો છો, તો તમારું ઉપકરણ કનેક્ટ થઈ જાય છે. હેકર્સ આનો લાભ લઈ શકે છે અને તમારા ઉપકરણની ઍક્સેસ મેળવી શકે છે, ડેટા ચોરી શકે છે અથવા તમારા ફોન પર માલવેર ઇન્સ્ટોલ કરી શકે છે.

આ પણ વાંચોઃ ચોંકાવનારું / 100થી વધારે લોકોએ કરી ઇચ્છામૃત્યુની માંગ, માંગી PM પાસે પરવાનગી, નીકળ્યું અમદાવાદ કનેક્શન

સાર્વજનિક વાઇ-ફાઇ પર આ સાવચેતીઓ રાખો

જરૂરી ન હોય ત્યાં સુધી તમારા ઉપકરણને જાહેર વાઇ-ફાઇ સાથે કનેક્ટ કરશો નહીં. તમારા ડેટાને એન્ક્રિપ્ટ કરવા માટે વીપીએનનો ઉપયોગ કરો. નિષ્ણાતો ડિજિટલ વ્યવહારો અથવા સોશિયલ મીડિયા એપ્લિકેશનો માટે પબ્લિક વાઇ-ફાઇનો ઉપયોગ કરવાની સલાહ આપતા નથી. આનાથી હૈક થવાનો ખતરો વધુ હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ