ચમકતા, સુંદર અને સફેદ દાંત કોને ન ગમે. કોઇ પણ વધારાનો ખર્ચ કર્યા વગર જ તમે તમારા દાંતને મોતી જેવી ચમક આપી શકો છો. સફેદીની સાથે સુંદરતા પણ મેળવવી હોય તો જાણીતા ડેન્ટિસ્ટ રિચર્ડ માર્કસે કેટલાક આસાન ઉપાય જણાવ્યા છે. જે તમે ઘરમાં જ અજમાવી શકો છો.
બેકિંગ સોડા લગાવો
બેકિંગ સોડા એક નેચરલ વ્હાઇટનર છે. નાની ચમચીનો ચોથો ભાગ પાણીમાં ભેળવીને તેને દાંત પર હળવા હાથે માલિશ કરો. ત્યારબાદ કોગળા કરી લો. આવું રોજ કરો. ઘીમે ધીમે દાંત સફેદ થવા લાગશે.
સફરજન અને સ્ટ્રોબેરી ખાવ
આ ફળોમાં મૈલિક એસિડ હોય છે. જે નેચરલ ક્લીન્ઝર છે. તેને ખાવાથી દાંતની પીળાશ દુર થાય છે અને ચમક વધી જાય છે. તેથી મોસમનો ફાયદો ઉઠાવીને હેલ્થ પણ બનાવો અને દાંત પણ ચમકાવો.
મીઠું નાંખેલું હુંફાળુ પાણી
એક કપ હુંફાળા પાણીમાં એક નાની ચમચી મીઠું ભેળવો અને રોજ બ્રશ કર્યા બાદ તેનાથી કોગળા કરો. દાંતમા સફેદી આવશે અને પેઢા પણ સ્વસ્થ રહેશે. આ એક નેચરલ એન્ટી બેક્ટેરિયલ છે.
દુધ અને પાણી પીવો
દુધમાં કેલ્શિયમ હોય છે જે દાંતને મજબુત બનાવે છે. પાણી એક નેચરલ ક્લીન્ઝર છે, જે પેઢા અને દાંત પર જામેલી ગંદકી દુર કરે છે.