ન્યૂઝ અપડેટ્સ
ન્યૂઝ અપડેટ્સ
VTV / ધર્મ / જન્માષ્ટમી પર લડ્ડુ ગોપાલ ઘરે લાવી રહ્યા છો? મૂર્તિની આ 4 બાબતો ન ચેક કરો તો થઈ શકે મોટી ભૂલ!
8 ફોટો ગેલેરી
Last Updated: 10:58 AM, 3 September 2026
FOLLOW ON
શેર કરો
1/8
જન્માષ્ટમી 2026માં 4 સપ્ટેમ્બરે ઉજવવામાં આવશે. આ દિવસે ભગવાન શ્રીકૃષ્ણના બાળ સ્વરૂપ એટલે કે લડ્ડુ ગોપાલની પૂજા કરવામાં આવે છે. જન્માષ્ટમી નજીક આવતાં બજારોમાં લડ્ડુ ગોપાલની અલગ-અલગ પ્રકારની મૂર્તિઓ, સુંદર વસ્ત્રો, મુગટ, વાંસળી, મોરપિચ્છ અને ઝૂલા જોવા મળે છે. ઘણી વખત લોકો સુંદર દેખાતી મૂર્તિ જોઈને તરત જ ખરીદી લે છે પરંતુ ધાર્મિક માન્યતાઓ અનુસાર મૂર્તિ પસંદ કરતી વખતે કેટલીક બાબતોનું ખાસ ધ્યાન રાખવું જોઈએ. વાસ્તુ શાસ્ત્રમાં પણ લડ્ડુ ગોપાલની મૂર્તિ ઘરે લાવવા અને તેની સ્થાપના સાથે જોડાયેલા કેટલાક નિયમો જણાવવામાં આવ્યા છે.
આ તસવીર શેર કરો
2/8
લડ્ડુ ગોપાલની મૂર્તિ ખરીદતી વખતે સૌથી પહેલાં તે કઈ ધાતુની બનેલી છે તે જોવું જોઈએ. ધાર્મિક માન્યતા અનુસાર ઘરમાં પૂજા માટે પીળા, અષ્ટધાતુ અથવા ચાંદીની મૂર્તિ શુભ માનવામાં આવે છે. આ પ્રકારની મૂર્તિઓ પવિત્ર માનવામાં આવે છે અને લાંબા સમય સુધી સાચવીને રાખી શકાય છે. મૂર્તિ ખરીદતી વખતે તેની બનાવટ પણ સારી રીતે તપાસવી જોઈએ. માત્ર સુંદર દેખાય છે એટલા માટે કોઈ પણ મૂર્તિ ખરીદવાને બદલે તેની ધાતુ અને ગુણવત્તા પર ધ્યાન આપવું જોઈએ.
આ તસવીર શેર કરો
ADVERTISEMENT
3/8
ઘરના મંદિરમાં રાખવા માટે લડ્ડુ ગોપાલની ખૂબ મોટી મૂર્તિ લાવવાની જરૂર નથી. સામાન્ય રીતે નાના કદની મૂર્તિ જેમ કે નંબર 1, 2, 3 અથવા 4 ઘરમાં રાખવા માટે યોગ્ય માનવામાં આવે છે. તેનું એક કારણ એ પણ છે કે લડ્ડુ ગોપાલને ઘરના સભ્યની જેમ માનવામાં આવે છે અને તેમની નિયમિત સેવા કરવામાં આવે છે. નાની મૂર્તિને સ્નાન કરાવવું, વસ્ત્રો પહેરાવવા અને દરરોજ તેમનો શણગાર કરવો સરળ રહે છે. તેથી મૂર્તિ ખરીદતી વખતે તમારા ઘરના મંદિરનું કદ અને નિયમિત સેવા કરવાની તમારી ક્ષમતા પણ ધ્યાનમાં રાખવી જોઈએ.
આ તસવીર શેર કરો
4/8
મૂર્તિ ખરીદતી વખતે માત્ર રંગ અને શણગાર જ ન જુઓ પરંતુ લડ્ડુ ગોપાલના ચહેરાના ભાવ પર પણ ધ્યાન આપો. ધાર્મિક માન્યતા અનુસાર બાળ સ્વરૂપમાં રહેલા શ્રીકૃષ્ણના ચહેરા પર મીઠી અને મનમોહક સ્મિત હોવું જોઈએ. તેમનું સ્વરૂપ સુંદર, નિર્દોષ અને આકર્ષક હોય તેવી મૂર્તિ પસંદ કરવી શુભ માનવામાં આવે છે. મૂર્તિનો ચહેરો જોઈને મનમાં પ્રસન્નતા અને ભક્તિનો ભાવ જાગે તે પણ મહત્વનું માનવામાં આવે છે.
આ તસવીર શેર કરો
ADVERTISEMENT
5/8
લડ્ડુ ગોપાલની મૂર્તિ ખરીદતી વખતે એક મહત્વની બાબત એ છે કે મૂર્તિ ખંડિત કે તૂટેલી ન હોવી જોઈએ. મૂર્તિના કોઈ અંગમાં તૂટફૂટ હોય અથવા મૂર્તિમાં કોઈ ખામી દેખાતી હોય તો આવી મૂર્તિ ખરીદવાનું ટાળવું જોઈએ. આ ઉપરાંત આપેલી ધાર્મિક માન્યતા અનુસાર કાળા રંગની લડ્ડુ ગોપાલની મૂર્તિ પણ ઘરે ન લાવવી જોઈએ. બજારમાં મૂર્તિ ખરીદતી વખતે તેને ચારેય બાજુથી ધ્યાનથી તપાસી લેવી જોઈએ જેથી કોઈ તૂટફૂટ કે નુકસાન રહી ન જાય.
આ તસવીર શેર કરો
6/8
લડ્ડુ ગોપાલની મૂર્તિ ઘરે લાવ્યા બાદ સીધી જ મંદિરમાં મૂકવાને બદલે ધાર્મિક વિધિ અનુસાર તેમનું સ્વાગત અને સ્નાન કરાવવાની પરંપરા છે. જન્માષ્ટમીના દિવસે અથવા રાત્રિના સમયે ભગવાન શ્રીકૃષ્ણના જન્મોત્સવ દરમિયાન લડ્ડુ ગોપાલની સ્થાપના કરવી શુભ માનવામાં આવે છે. જો તમે મુહૂર્ત પ્રમાણે સ્થાપના કરવા માંગતા હોવ તો તમારા સ્થાનિક પંચાંગ અથવા જાણકાર પંડિત પાસેથી યોગ્ય સમય જાણી શકો છો.ઘરે લડ્ડુ ગોપાલ લાવ્યા બાદ સૌપ્રથમ તેમનું પંચામૃતથી અભિષેક અને સ્નાન કરાવી શકાય છે. પંચામૃત બનાવવા માટે સામાન્ય રીતે દૂધ, દહીં, ઘી, મધ અને ખાંડનો ઉપયોગ કરવામાં આવે છે. આ પંચામૃતથી લડ્ડુ ગોપાલનો અભિષેક કર્યા બાદ સ્વચ્છ પાણીથી સ્નાન કરાવી શકાય છે. ત્યારબાદ તેમને સ્વચ્છ કપડાથી હળવેથી લૂછીને નવા વસ્ત્રો પહેરાવવામાં આવે છે. જન્માષ્ટમીના દિવસે આ વિધિ ભક્તિ અને શ્રદ્ધા સાથે કરવામાં આવે છે.
આ તસવીર શેર કરો
ADVERTISEMENT
7/8
સ્નાન કરાવ્યા બાદ લડ્ડુ ગોપાલને સ્વચ્છ અને નવા વસ્ત્રો પહેરાવવા જોઈએ. ખાસ કરીને પીળા રંગના વસ્ત્રો શ્રીકૃષ્ણને પ્રિય માનવામાં આવે છે. ત્યારબાદ તેમના માથા પર મુગટ પહેરાવી શકાય છે. શણગારમાં વાંસળી, મોરપિચ્છ અને વૈજયંતી માળાનો પણ ઉપયોગ કરી શકાય છે. સુંદર શણગાર કર્યા બાદ તેમને ઘરના મંદિરમાં અથવા યોગ્ય પૂજા સ્થાન પર સ્થાપિત કરી તેમની નિયમિત પૂજા અને સેવા શરૂ કરી શકાય છે.
આ તસવીર શેર કરો
8/8
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
