Duleep Trophy / વૈભવ સૂર્યવંશીની ધમાકેદાર બેટિંગથી ફેન્સ થયા દીવાના, સોશિયલ મીડિયા પર ‘તુરંત ટેસ્ટ ટીમમાં લો’ની માગ

ભારતીય ક્રિકેટમાં હાલના દિવસોમાં એક નામ વારંવાર સામે આવી રહ્યું છે, વૈભવ સૂર્યવંશી. જેમાં દુલીપ ટ્રોફીમાં ઈસ્ટ ઝોન તરફથી રમતા આ યુવા બેટ્સમેને સેન્ટ્રલ ઝોન સામે એવી ઇનિંગ રમી કે સમગ્ર ક્રિકેટ જગત અને ખાસ કરીને ફેન્સના હોશ ઉડી ગયા હતા.

જેમાં વૈભવે માત્ર 81 બોલમાં 92 રનની તાબડતોડ ઇનિંગ રમી હતી. શરૂઆતથી જ તેને બોલર્સ પર દબાણ જાળવ્યું અને માત્ર 42 બોલમાં ફિફ્ટી પૂરી કરી હતી. આ ફિફ્ટીમાં ત્રણ છક્કા અને પાંચ ચોગ્ગા માર્યા હતા. આ સાથે તે દુલીપ ટ્રોફીના ઇતિહાસમાં ફિફ્ટી મારનાર સૌથી ઓછી ઉંમરનો પ્લેયર પણ બની ગયો છે.

સદીથી માત્ર આઠ રન દૂર રહીને તે આઉટ થયો હતો પરંતુ ત્યાં સુધીમાં તેને પોતાની ક્ષમતા સ્પષ્ટ રીતે સાબિત કરી દીધી હતી. અગાઉના મેચમાં બોલિંગમાં પણ બે વિકેટ ઝડપીને તેને ઓલરાઉન્ડર તરીકેની ઓળખ મજબૂત કરી હતી.

હવે સોશિયલ મીડિયા પર આ પારી બાદ ચર્ચા એક જ વાત પર કેન્દ્રિત થઈ ગઈ – વૈભવને સીધો ટીમ ઈન્ડિયાની ટેસ્ટ ટીમમાં તક મળવી જોઈએ. ભલે તેમની પાસે રેડ બોલનો અનુભવ હજુ લીમીટેડ હોય, પણ જે હિંમત અને આક્રમકતા સાથે તેને ટેસ્ટ ફોર્મેટમાં બેટિંગ કરી તે જોઈને ફેન્સ કહી રહ્યા છે કે આ પ્લેયરમાં આગામી વીરેન્દ્ર સહવાગ જેવી સંભાવના છે.

વધુ વાંચો : મહિલા એશિયા કપમાં ભારતનો વિજયી પ્રારંભ: થાઈલેન્ડને 94 રને કચડ્યું

સહવાગ જેમ તેજ-તર્રાર ઇનિંગથી વિરોધીને હેરાન કરતા તેવી જ સ્ટાઈલ વૈભવમાં દેખાઈ રહી છે. આ યુવાન પ્લેયરની લગાતાર સારી કામગીરી અને વધતી જતી ફેન ફોલોઇંગ જોઈને હવે સવાલ એ છે કે સિલેક્શન કમિટી તેમના આ પ્રદર્શનને કેટલુ મહત્વ આપે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ