આફત / VIDEO : કેટલું મજબૂત હશે? નેપાળના વિનાશકારી પૂરમાં હજારો તણાઈ ગયા પણ આ મકાન અડીખમ ઊભું રહ્યું

નેપાળમાં આવેલી પૂરની સ્થિતિમાં હજારો મકાનો અને બિલ્ડીંગો પત્તાના મહેલની જેમ તૂટી પડી અને તણાઈ ગયા હતા ત્યારે એક વિડિયો સોશિયલ મીડિયામાં વાયરલ થઇ રહ્યો છે જેમાં એક મકાન પૂરની સ્થિતિ વચ્ચે પણ અડીખમ ઉભું છે જે બાદ આ મકાન બનાવનાર એન્જિનિયર ના સોશિયલ મીડિયામાં ખૂબ વખાણ થઈ રહ્યા છે ત્યારે vtv ન્યુઝ દ્વારા પોલિટેકનિકલ કોલેજમાં આવેલ અપલાય એન્જિનિયરિંગ ડિપાર્ટમેન્ટના એચઓડી સાથે મુલાકાત કરી આ મકાનના સ્ટ્રક્ચર વિશે ચર્ચા કરવામાં આવી હતી જેમાં જેમાં તેમણે જણાવ્યું હતું કે વીડિયોના આધારે સ્પષ્ટ જોઈ શકાય છે કે મકાનનું સ્ટ્રક્ચર કોંક્રીટ થી બનેલું છે.

પીલરના આધાર ઉપર મકાન તૈયાર કરાયું

પીલરના આધાર ઉપર આ મકાન તૈયાર કરવામાં આવ્યું છે એટલે અન્ય મકાનો કરતા મજબૂતી વધુ હોય છે બીજી તરફ આ મકાનની આડા અન્ય કેટલાક મકાનો અને સ્ટ્રકચરો હતા તેને કારણે પાણીનો જે શરૂઆતનો ફ્લો હતો જે દબાણ હતું તે આ મકાન સુધી પહોંચવામાં થોડા અંશે નબળો પડ્યો હતો તેમ જ પાણીનો પ્રવાહ છે તે મકાનને બાજુમાંથી પસાર થતું પણ હોય તેવું લાગી રહ્યું છે એટલે ચોક્કસથી આ મકાનને અન્ય મકાન કરતાં ઓછો ફોર્સ લાગ્યો છે માની શકાય કે જે મકાન તૈયાર કરવામાં આવ્યું છે તેમના પીલર ના આધારે તૈયાર કરવામાં આવ્યું છે કોન્ક્રીટ વાળુ સ્ટ્રક્ચર હોવાના કારણે તેની મજબૂતી વધુ હોય છે માટે તે અન્ય મકાનો કરતા વધુ દબાણ સહન કરી શક્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ