દુખદ / જામનગર જિલ્લા પંચાયત સમિતિના ચેરમેનના પુત્રનું 16 વર્ષની વયે હાર્ટએટેકથી મોત થતાં પરિવારમાં શોક, નાનપણથી હતી બીમારી

જામનગરના ધ્રોલમાં જિલ્લા પંચાયત આરોગ્ય સમિતિના ચેરમેનના પુત્રનું હાર્ટએટેકથી મોત થતાં પરિવારમાં શોક વ્યાપ્યો હતો. રાજેશ મકવાણાના પુત્ર પોન્ટીંગ મકવાણાનું હૃદય બંધ પડી જતા મોત થયું હતું. કિશોરને નાનપણથી જ શ્વાસ ચડી જવાની બીમારી હતી.

પોલીસકર્મચારીનું હાર્ટ એટેકથી મોત

ગુજરાતમાં હાર્ટ એટેકના બનાવો દિન પ્રતિદિન વધી રહ્યાં છે. અનેક સ્થળોથી રોજે રોજ એવા કિસ્સા સામે આવી રહ્યાં છે. જેમાં યુવાન વયે હૃદય થંભી ગયું હોય અને વ્યક્તિનું મૃત્યુ થયું હોય. કોઈ ક્રિકેટ રમતા રમતા બેભાન થઈ જાય છે, તો કોઈ ઓફિસ કે કારખાનામાં કામ કરતા કરતા ઢળી જાય છે, જેનું કારણ તપાસીએ ત્યારે માલૂમ પડે છે કે, હૃદયરોગના અચાનક હુમલાથી આ મૃત્યુ થયું છે. ત્યારે વધુ એક ઘટના અમદાવાદથી સામે આવી છે. અમદાવાદમાં ક્રાઈમ બ્રાન્ચમાં ફરજ બજાવતા પોલીસકર્મચારીનું હાર્ટ એટેકથી મોત થયું હતું.

વધુ વાંચો : નાગલપુરમાં મસ્તાની ગેંગના ભાવેશ રબારી પર ફાયરિંગ, અજાણ્યા શખ્સોએ ફોર્ચ્યુનરને ટક્કર મારી 2 રાઉન્ડ ફાયર કર્યા

ગુજરાતમાં હૃદયરોગના કેસમાં ચિંતાજનક વધારો

ગુજરાતમાં હૃદયરોગના કેસમાં ચિંતાજનક વધારો જોવા મળ્યો છે. છેલ્લા 15 વર્ષોમાં કેસની સંખ્યા ખૂબ વધી છે. 108ને કાર્ડિયાક ઈમરજન્સી કોલમાં 202%નો વધારો થયો છે તો ચાલુ વર્ષે 108ને કાર્ડિયાક ઈમરજન્સીને 8 હજાર 918 કોલ મળ્યા હતા. યુવાનોએ આ સમાચારથી ચેતી જવાની જરુર છે. કારણ કે તેનો સૌથી વધુ ભોગ યુવાનો બની રહ્યાં છે. ગુજરાતમાં હાલ દરરોજ સરેરાશ 294 વ્યક્તિને હૃદયની સારવાર માટે '108' ની જરૂર પડે છે. આ સ્થિતિ યથાવત રહી તો વર્ષના અંત સુધીમાં હૃદયની ઈમરજન્સીના કેસ 1.07 લાખને પાર જઈ શકે છે. હાલ રાજ્યમાં હૃદયની ઈમરજન્સીના જે કેસ નોંધાયા છે તેમાંથી 26 ટકા તો માત્ર અમદાવાદમાંથી હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ