ગુજરાત / ગીર ગઢડામાં મકાનની અગાસી પર સિંહ પરિવારના ધામા! તો આંબરડી સફારી પાર્કમાં સિંહ પજવણીનો વીડિયો વાયરલ!

ગીરના જંગલમાં સિંહોનું રાજ છે, પરંતુ જ્યારે જંગલના આ રાજા રહેણાક વિસ્તારમાં આવીને મકાનની અગાસી પર ધામા નાખે ત્યારે લોકોમાં ભયનો માહોલ સર્જાય તે સ્વાભાવિક છે. ગીર ગઢડામાં આવી જ એક ચોંકાવનારી ઘટના સામે આવી છે. અહીં એક રહેણાક મકાનની અગાસી પર અચાનક સિંહ પરિવાર જોવા મળતાં આસપાસના લોકોમાં ફફડાટ ફેલાઈ ગયો હતો. ખાસ વાત એ હતી કે આ સિંહ પરિવાર માત્ર એક સિંહનો નહીં, પરંતુ બે સિંહણ અને એક સિંહબાળનો હતો.

મળતી માહિતી મુજબ, ગીર ગઢડામાં આવેલી એક વાડીના મકાનમાં બે સિંહણ પોતાના સિંહબાળ સાથે આવી પહોંચી હતી. આ સિંહ પરિવારે મકાનના પગથિયાં ચઢીને સીધો અગાસી પર પ્રવેશ કર્યો હતો. સામાન્ય રીતે સિંહો જંગલ કે ખુલ્લા વિસ્તારમાં જોવા મળતા હોય છે, પરંતુ રહેણાક મકાનના પગથિયાં ચઢીને અગાસી સુધી પહોંચતા સિંહ પરિવારને જોઈને લોકો પણ આશ્ચર્યચકિત થઈ ગયા હતા.

મકાનની અગાસી પર બે સિંહણ અને તેમની સાથે સિંહબાળને જોઈને આસપાસ રહેતા લોકોમાં ભયનો માહોલ ફેલાયો હતો. રહેણાક વિસ્તારની નજીક જ આ રીતે સિંહ પરિવારની હાજરીને કારણે લોકોમાં ગભરાટ જોવા મળ્યો હતો. મકાનની અગાસી પર સિંહણ અને સિંહબાળની હાજરીનો આ નજારો આસપાસના લોકો માટે ચોંકાવનારો બની રહ્યો હતો.

રોકાયા બાદ સિંહ પરિવારે ત્યાંથી નીકળવાનું નક્કી કર્યું

જોકે, અગાસી પર થોડીવાર રોકાયા બાદ સિંહ પરિવારે ત્યાંથી નીકળવાનું નક્કી કર્યું હતું. જે રીતે તેઓ મકાનના પગથિયાં ચઢીને અગાસી પર પહોંચ્યા હતા, તે જ રીતે પગથિયાં ઉતરીને નીચે આવ્યા હતા. ત્યારબાદ બે સિંહણ અને સિંહબાળ રહેણાક વિસ્તાર છોડીને ફરી જંગલ તરફ રવાના થઈ ગયાં હતાં.

આ પણ વાંચો : અમદાવાદથી વિયેતનામની સીધી ફ્લાઇટ 2 ડિસેમ્બરથી શરૂ, ₹30,000માં ટુ-વે ટિકિટ

સિંહ પરિવાર જંગલ તરફ પરત ફરતાં સ્થાનિક લોકોએ રાહતનો શ્વાસ લીધો હતો. જોકે, રહેણાક મકાનની અગાસી સુધી સિંહ પરિવાર પહોંચી જવાની આ ઘટનાને પગલે આસપાસના વિસ્તારમાં ચર્ચા શરૂ થઈ હતી. ગીર ગઢડા અને આસપાસના વિસ્તારોમાં સિંહોની અવરજવર રહેતી હોવાથી સ્થાનિક લોકોમાં વન્યજીવોની હાજરીને લઈને સાવચેતી રાખવાની જરૂરિયાત પણ ફરી એકવાર સામે આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ