મુંબઈ / દિશા સાલિયાનના મોત કેસમાં મોટો ટ્વિસ્ટ, CBI તપાસનો આદેશ, સુશાંત સિંહ રાજપુતની મેનેજર હતી

દિવંગત સેલિબ્રિટી મેનેજર દિશા સાલિયનના મૃત્યુના લગભગ છ વર્ષ પછી, આ કેસમાં મોટો વળાંક આવ્યો છે. બોમ્બે હાઈકોર્ટે બુધવાર, 2 સપ્ટેમ્બરના રોજ દિશા સાલિયનના મૃત્યુની તપાસ સેન્ટ્રલ બ્યુરો ઓફ ઇન્વેસ્ટિગેશન (CBI) ને સોંપવાનો આદેશ આપ્યો હતો. કોર્ટે FIR નોંધવાનો અને તપાસ CBI ને ટ્રાન્સફર કરવાનો નિર્દેશ આપ્યો હતો.

બોમ્બે હાઈકોર્ટે જાહેર કર્યો મોટો ચુકાદો

બોમ્બે હાઈકોર્ટે દિવંગત બોલિવૂડ અભિનેતા સુશાંત સિંહ રાજપૂતના ભૂતપૂર્વ મેનેજર દિશા સલિયનના મૃત્યુના કેસમાં પોતાનો ચુકાદો આપ્યો હતો. કોર્ટની સુનાવણી પૂર્ણ થઈ ગઈ હતી, અને પાછલી સુનાવણીમાં નિર્ણય અનામત રાખવામાં આવ્યો હતો. કોર્ટે પોલીસને આ કેસમાં એફઆઈઆર દાખલ કરવાનો આદેશ આપ્યો હતો.

જાણો શું હતો આખો મામલો

આ કેસ દિશા સાલિયાનના પિતા સતીશ સાલિયાન દ્વારા દાખલ કરવામાં આવેલી અરજી સાથે સંબંધિત છે. તેમણે હાઇકોર્ટમાં એફઆઈઆર નોંધવા અને નવેસરથી તપાસની માંગણી કરતી અરજી દાખલ કરી હતી. તેમણે માંગ કરી હતી કે આ કેસની તપાસ સીબીઆઈ દ્વારા કરવામાં આવે. બોમ્બે હાઇકોર્ટે અગાઉ 28 ઓગસ્ટના રોજ આ કેસની સુનાવણી પૂર્ણ કરી હતી. કોર્ટે એફઆઈઆર નોંધવાની માંગ કરતી સતીશ સલિયાનની અરજી પર પોતાનો નિર્ણય અનામત રાખ્યો હતો.

દિશાના પિતાએ ગંભીર આરોપ લગાવ્યા હતા

સતીશ સાલિયાને પોતાની અરજીમાં ગંભીર આરોપો લગાવ્યા હતા. તેમણે દાવો કર્યો હતો કે તેમની પુત્રી દિશા પર બળાત્કાર ગુજારવામાં આવ્યો હતો અને તેની હત્યા કરવામાં આવી હતી. આ આધારે તેમણે કેસ નોંધવાની અને નિષ્પક્ષ તપાસની માંગ કરી હતી.

વધુ વાંચો : સુરતમાં બ્રિજ પર બિલ્ડરની ઘાતકી હત્યા, 4 શખ્સોએ છરીના 19 ઘા માર્યાં, આંતરડા બહાર આવ્યાં

કોણ હતી દિશા સાલિયાન?

દિશા સાલિયાન સુશાંત સિંહ રાજપૂતની ભૂતપૂર્વ મેનેજર હતી. 8 જૂન, 2020 ના રોજ, મુંબઈના મલાડ વિસ્તારમાં એક ઇમારતના 14મા માળેથી પડી જવાથી તેનું મૃત્યુ થયું હતું. તે સમયે, મુંબઈ પોલીસે આ ઘટનાને આત્મહત્યા ગણાવી હતી અને અકસ્માત મૃત્યુ રિપોર્ટ (ADR) દાખલ કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ