બિઝનેસ / ફક્ત 20,000 રુપિયાની મહિનાની SIPથી બની જશે 1 કરોડ, જાણો કેટલા વર્ષમાં પુરુ થશે આ સપનું

મ્યુચ્યુઅલ ફંડમાં SIP (સિસ્ટેમેટિક ઇન્વેસ્ટમેન્ટ પ્લાન) લાંબા ગાળે સંપત્તિ બનાવવાનો એક લોકપ્રિય રસ્તો છે. તેમાં દર મહિને નક્કી કરેલી રકમનું રોકાણ કરવામાં આવે છે, જેના કારણે રોકાણની આદત વિકસે છે અને કમ્પાઉન્ડિંગનો લાભ પણ મળે છે. જો રોકાણકાર ધીરજ રાખે અને નિયમિત રોકાણ ચાલુ રાખે તો નાની રકમ પણ સમય જતાં મોટું ફંડ બની શકે છે.

SIP કેમ છે સારો વિકલ્પ?

SIPમાં દર મહિને નિશ્ચિત રકમનું રોકાણ કરવામાં આવે છે. બજારમાં વધઘટ થતી હોવા છતાં લાંબા ગાળે રોકાણની સરેરાશ કિંમત સંતુલિત રહે છે. આ ઉપરાંત કમ્પાઉન્ડિંગની શક્તિ રોકાણને ઝડપથી વધારવામાં મદદ કરે છે.

20,000 રૂપિયાની SIPથી કેવી રીતે બનશે 1 કરોડનું ફંડ?

• ધારો કે કોઈ વ્યક્તિ દર મહિને 20,000 રૂપિયાની SIP કરે છે અને તેને સરેરાશ 12 ટકા વાર્ષિક રિટર્ન મળે છે.
• દર મહિને રોકાણ: 20,000 રૂપિયા
• રોકાણનો સમયગાળો: 16 વર્ષ
• કુલ રોકાણ: 38.40 લાખ રૂપિયા
• અંદાજિત વળતર (નફો): 70.76 લાખ રૂપિયા
• કુલ મેચ્યોરિટી રકમ: અંદાજે 1.09 કરોડ રૂપિયા
• આ ગણતરી અંદાજિત 12 ટકા વાર્ષિક રિટર્ન અને કમ્પાઉન્ડિંગના આધારે કરવામાં આવી છે.

વહેલી શરૂઆત કરવી કેમ જરૂરી છે?

રોકાણમાં માત્ર મોટી રકમ જ મહત્વની નથી, પરંતુ સમય પણ એટલો જ મહત્વનો છે. તમે જેટલી વહેલી SIP શરૂ કરશો, તમારા પૈસાને વધવા માટે એટલો વધુ સમય મળશે. થોડુક પણ મોડુ કરશો તો તમારું નાણાકીય લક્ષ્યને ઘણું પાછળ ધકેલાઈ શકે છે.

નિયમિત રોકાણથી જ મળશે મોટો લાભ

ઘણા રોકાણકારો બજારમાં ઘટાડો આવે ત્યારે SIP બંધ કરી દેતા હોય છે, પરંતુ લાંબા ગાળે સફળતા માટે નિયમિત રોકાણ ચાલુ રાખવું જરૂરી છે. બજારની અસ્થિરતા વચ્ચે પણ SIP ચાલુ રાખવાથી કમ્પાઉન્ડિંગનો પૂરતો લાભ મળે છે.

આ પણ વાંચોઃ સોનામાં ₹17000, ચાંદીમાં ₹51000નો ઘટાડો, જાણો જૂનમાં કેમ આવ્યો આટલો મોટો ઘટાડો

રોકાણ કરતા પહેલાં આ બાબતો ધ્યાનમાં રાખો

• તમારા નાણાકીય લક્ષ્યો નક્કી કરો.
• જોખમ સહન કરવાની ક્ષમતા સમજો.
• લાંબા ગાળાના દૃષ્ટિકોણથી રોકાણ કરો.
• જરૂર હોય તો નાણાકીય સલાહકારની સલાહ લો.
• યોગ્ય આયોજન, નિયમિત SIP અને લાંબા ગાળાના ધીરજભર્યા રોકાણ દ્વારા 1 કરોડ રૂપિયાનું ફંડ બનાવવાનું સપનું સાકાર થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ