ખુલાસો / વોટસએપ જ નહીં ફેસબુક,જીમેલ,વાઇબર પણ એનએસઓ ગ્રુપના નિશાના પર

• વોટ્સએપે ઇઝરાઇલની સાયબર કંપની NSO પર લગાવ્યો હેકિંગનો આરોપ
• વિવિધ સ્માર્ટફોન પણ થઇ શકે છે હેક 

જોકે સાયબર નિષ્ણાતો કહે છે કે પિગાસસ વોટ્સએપ સિવાયની અન્ય એપ્સથી પણ યુઝર્સની જાસૂસી કરે છે. આઇઓએસ, એન્ડ્રોઇડ અને બ્લેકબેરીનની ઓપરેટિંગ સિસ્ટમ પર ચાલતા મોબાઇલ સહિતના ડિવાઇસ હેક કરી શકાય છે. 

એશિયા પોલિસીના ડાયરેક્ટરે આપી માહિતી 

એશિયા પોલિસીના ડાયરેક્ટર અને સિનિયર ઇન્ટરનેશનલ કાઉન્સેલ રમણજીત સિંહ ચીમાએ કહ્યું છે કે એનએસઓ જેવી ટેક્નોલોજી કંપનીઓ તેમના ગ્રાહકોને જે વ્યક્તિને ટ્રેક કરે છે તેની તમામ માહિતી આપે છે.

સ્માર્ટફોન પણ થઇ શકે છે હેક 

સ્પાયવેર સોફટવેરથી ફેસબુક, ઇમેઇલ, વાઇબર અને જી-મેઇલ પણ હેક થઇ શકે છે.ગુગલની પ્રોજેક્ટ ઝીરો ટીમે સપ્ટેમ્બરમાં એન્ડ્રોઇડ ઓપરેટિંગ સિસ્ટમની ખામીઓ જાહેર કરી હતી. શાઓમી, વિવો, ઓપ્પો અને સેમસંગના ફોન સરળતાથી હેક થઈ શકે છે. ગૂગલે પણ આ હેકિંગ માટે ઇઝરાઇલી કંપની એનએસઓ સામે આંગળી ચીંધી હતી. સ્માર્ટફોન ઉત્પાદક કંપનીઓએ તરત જ તેની સામે સિકયોરિટી પેચ અપડેટ કર્યા હતા. 

2016 આઇફોન હેક કરવાનો થયો હતો પ્રયાસ

2016માં એનએસઓએ પિગાસસ દ્વારા આઇફોનને હેક કરવાનો પ્રયાસ કર્યો હતો. એપલને તેની માહિતી મળતા તરત જ સોફટવેર અપડેટ આપ્યું હતું. 2017માં આવેલા અહેવાલમાં, જાણવા મળ્યું હતું કે સામાજિક કાર્યકર અહમદ મન્સૂરને પિગાસસ વિશે માહિતી મળી હતી. 

રિપોર્ટમાં વધુમાં કહેવામાં આવ્યું છે કે આ સોફટવેર પર હાઇ ટેક પ્લેટફોર્મ હેક કરવા માટે કરોડો રૂપિયા ખર્ચવામાં આવ્યા છે. તેના કારણે એન્ડ્રોઇડ ઓ પરેટિંગ સિસ્ટમને હેક કરવાનું વધુ આસાન બન્યું છે.