લોકસભા 2024 / લોકસભા ચૂંટણીના સોંગઠાં: ગુજરાત ભાજપે સિનિયર નેતાઓને સોંપી મોટી જવાબદારી, 4 નામ ચોંકાવનારા

લોકસભાની ચૂંટણીને લઈ તમામ રાજકીય પક્ષોએ તડામાર તૈયારીઓ આરંભી દીધી છે. ત્યારે ભાજપમાં સેન્સ પ્રક્રિયા પણ પૂર્ણ થઈ ગઈ છે. તેમજ ચૂંટણી અનુલક્ષીને ભાજપે કેટલાક નેતાઓને જવાબદારી પણ સોંપી છે. સિનિયર સભ્યોને સંયોજક - સહ સંયોજક તરીકે જવાબદારી સોંપી છે. 

સંયોજક - સહસંયોજકની નિમણૂંક કરાઈ
ભાજપએ પ્રદેશ ચૂંટણી પ્રબંધન સમિતિના સંયોજક તેમજ સહસંયોજક તરીકે નિમણુંક કરી છે.  જેમાં આઈ કે જાડેજાને લોકસભા ચૂંટણીના સંયોજક બનાવાયા છે. જ્યારે સહસંયોજક તરીકે જયસિંહ ચૌહાણ, જગદીશ પટેલ, પ્રદીપ પરમાર અને ભરત આર્યની નિમણૂંક કરાઈ છે. 

ભાજપ કેન્દ્રીય સમિતિની બેઠક મળશે
લોકસભાની ચૂંટણીને લઇ ભાજપની તડામાર તૈયારીઓ જોવા મળી રહી છે.  આજે ભાજપની કેન્દ્રીય સમિતિની બેઠક મળવાની છે. જેમાં લોકસભા ઉમેદવારોની પ્રથમ યાદી જાહેર થઇ શકે છે. સાંજે 7 કલાકે PM મોદીની હાજરીમાં ઉમેદવારોને લઇ ચર્ચા થશે.  અત્રે જણાવીએ કે, 25થી 30 ઉમેદવારોના નામ જાહેર થઇ શકે છે 

વાંચવા જેવું: BIG NEWS : ગુજરાતના સરકારી કર્મચારીઓના મોંઘવારી ભથ્થાંમાં 4 ટકાનો વધારો કરાયો, હવે કેટલા?

રાજકારણ ગરમાયું
લોકસભા ચૂંટણીનો માહોલ બનવા સાથે જ દરરોજ કોંગ્રેસમાંથી કાર્યકર્તાઓથી લઇ આગેવાનો અને ધારાસભ્યો ભાજપમાં જોડાઇ રહ્યા છે. ત્યારે કોંગ્રેસના વધુ એક ધારાસભ્ય ભાજપમાં જોડાશે તેવી ચર્ચાએ જોર પકડ્યું છે. બનાસકાંઠાના દાંતા બેઠકના કોંગ્રેસના ધારાસભ્ય કાંતિ ખરાડી ભાજપમાં જોડાશે તેવી ચર્ચાએ જોર પકડતાં ધારાસભ્યએ ફેસબુક પર ખુલાસો કર્યો છે. ધારાસભ્ય કાંતિ ખરાડીએ ફેસબુક પર ભાજપમાં જોડાવવાની વાતને અફવા ગણાવી. ચૂંટણી આવે એટલે રાજીનામાના તાયફા સામે આવે છે તેવું પોસ્ટમાં લખી તેમના નામે ચાલેલી અફવાનું ધારાસભ્યએ ખંડન કર્યું. એટલું જ નહીં, ધારાસભ્ય કાંતિ ખરાડીએ અફવાઓથી દૂર રહેવા લોકોને અપીલ કરી.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો