કામની વાત / પાસવર્ડ ભૂલી ગયા, ને પાછો રજિસ્ટર્ડ મોબાઇલ નં. પણ નથી? તો આ રીતે કરો રિસેટ

જો તમે તમારા આવકવેરાના ઈ-ફાઈલિંગ પોર્ટલનો પાસવર્ડ ભૂલી ગયા હોય અને તમારા રજિસ્ટર્ડ મોબાઈલ નંબરનો ઉપયોગ કરી શકતા ન હોય, તો પણ તમે તમારો પાસવર્ડ રીસેટ કરી શકો છો. આવકવેરા વિભાગે આવા કરદાતાઓ માટે કેટલાક વિકલ્પો ઉપલબ્ધ કરાવ્યા છે, જેના દ્વારા તેઓ મોબાઈલ નંબર વગર પણ પોતાનો પાસવર્ડ રીસેટ કરી શકે છે. આજે અમે તમને આ વિકલ્પો વિશે જણાવીશું.

જો તમે તમારો ઈ-ફાઇલિંગ પોર્ટલ પાસવર્ડ ભૂલી જાઓ છો, તો તમે ડિજિટલ સિગ્નેચર સર્ટિફિકેટ (DSC), નેટ બેન્કિંગ અથવા ઇમેઇલ દ્વારા વિનંતી સબમિટ કરીને તમારા એકાઉન્ટની ઍક્સેસ ફરીથી મેળવી શકો છો. આવો જાણીએ કેવી રીતે.

મોબાઇલ નંબર વિના તમે તમારા ઇ-ફાઇલિંગ પોર્ટલ પાસવર્ડને કેવી રીતે રીસેટ કરી શકો છો?

જો તમારી પાસે ઇ-ફાઇલિંગ પોર્ટલ અથવા તમારા આધાર સાથે મોબાઇલ નંબર લિંક કરેલ નથી, તો તમે માન્ય ડિજિટલ સિગ્નેચર સર્ટિફિકેટ (DSC) નો ઉપયોગ કરીને તમારો પાસવર્ડ રીસેટ કરી શકો છો. નોંધનીય છે કે, DSC ને પોર્ટલ પર પ્રી-રજીસ્ટર કરાવવાની જરૂર નથી, પરંતુ તે તમારા PAN સાથે લિંક થયેલ હોવું આવશ્યક છે. જો તમારી પાસે નેટ બેંકિંગ સુવિધાઓ હોય, તો તમે તે પદ્ધતિનો ઉપયોગ કરીને સીધા જ ઇ-ફાઇલિંગ પોર્ટલમાં લોગ ઇન કરી શકો છો.

જો તમારી પાસે DSC અથવા નેટ બેંકિંગની સુવિધા ન હોય, તો તમે [email protected] પર ઈમેલ મોકલીને પાસવર્ડ રીસેટ કરવાની વિનંતી કરી શકો છો. આ ઈમેલ સાથે તમારે અમુક દસ્તાવેજો પણ સબમિટ કરવા પડશે.જેમ કે...

• PAN કાર્ડની સ્કેન કોપી
• ઓળખપત્ર (પાસપોર્ટ, મતદાર ઓળખપત્ર, ડ્રાઇવિંગ લાયસન્સ, આધાર કાર્ડ અથવા ફોટોગ્રાફ સાથેની બેંક પાસબુક)ની સ્કેન કોપી
• સરનામાના પુરાવાની સ્કેન કરેલી કોપી
• પાસવર્ડ રીસેટ કરવાનું કારણ જણાવતો સહી કરેલો અરજી પત્ર

આ ઈમેલ મોકલતી વખતે, કૃપા કરીને ખાતરી કરો કે તમામ દસ્તાવેજો ZIP ફોર્મેટમાં હોય અને self-attested હોય. તમારી ઈ-ફાઇલિંગ પ્રોફાઇલમાં નોંધાયેલ ઈમેલ ID પરથી જ આ ઈમેલ મોકલો. ડોક્યુમેન્ટની ચકાસણી પૂર્ણ થયા પછી, પાસવર્ડ રીસેટ કરવાની લિંક તે જ ઈમેલ ID પર મોકલવામાં આવશે.

આ પણ વાંચોઃ પોસ્ટ ઓફિસની FD-RDમાં કઇ સ્કીમ સૌથી બેસ્ટ? રોકાણ કરતા પહેલા જાણી લો

ઈ-ફાઈલિંગ પોર્ટલ પર પાસવર્ડ રીસેટ કરવો

• આવકવેરા ઈ-ફાઈલિંગ પોર્ટલની મુલાકાત લો અને Login પર ક્લિક કરો.
• તમારો User ID દાખલ કરો અને 'Continue ' પર ક્લિક કરો.
• લોગિન પેજ પર, 'Password' વિકલ્પ પસંદ કરો અને 'Forgot Password' પર ક્લિક કરો.
• તમારો User ID ફરીથી દાખલ કરો અને 'Continue' પર ક્લિક કરો.
• 'Select an Option to Reset Password' સ્ક્રીન પર, તમારા માટે સૌથી અનુકૂળ પાસવર્ડ રીસેટ વિકલ્પ પસંદ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ