ક્રાઈમ / વડોદરામાં 15 લોકોના ટોળાએ ઘેરીને એક જ પરિવારના ત્રણ સભ્યોને જીવલેણ માર માર્યો, 5 ગંભીર

વડોદરાના રૂપમ સિનેમા પાસે ભાંટવાડા વિસ્તારમાં જૂની અદાવતમાં હિંસક મારામારી થઈ હતી. ડીજેના વાયર નીકળી જવા જેવી સામાન્ય બાબતે માથાકૂટ થઈ હતી.

એક જ પરિવારના ત્રણ સભ્યોને ઘાતકી રીતે ફટકાર્યા

10 થી 15 લોકોના ટોળાએ ઘેરીને એક જ પરિવારના ત્રણ સભ્યોને ઘાતકી રીતે ફટકાર્યા હતા. આ ઘટનામાં પરિવારના 4 થી 5 લોકોને ગંભીર ઈજાઓ પહોંચતાં તેમને તાત્કાલિક સયાજી હોસ્પિટલ ખસેડાયા હતા.

થોડા મહિના અગાઉ પણ પણ હુમલો

આ જ પરિવાર પર થોડા મહિના અગાઉ પણ હુમલો થયો હોવાનું સામે આવ્યું છે. અગાઉ થયેલી મારામારીના સનસનાટીભર્યા CCTV ફૂટેજ પણ જાહેર થયા છે.

વધુ વાંચો : સગીરા સાથે દુષ્કર્મ, વીડિયો બનાવીને લગ્ન ન કર્યાં, વીડિયો વાયરલ કરીને બીજે ઠેકાણેથી સગાઈ તોડાવી

શખ્સને જાનથી મારી નાખવાની ધમકી

આ દરમિયાન વડોદરાના સમા વિસ્તારમાં એક શખ્સને ₹4 લાખની પઠાણી ઉઘરાણી કરી જાનથી મારી નાખવાની ધમકી આપવા મામલે સમા પોલીસ મથકે ફરિયાદ નોંધાઈ છે. છાણી ગુરુદ્વારા પાસે રહેતા બલજીતસિંઘ હલોન નામના શખસે મકાનના સોદા બાદ વધુ નાણાં મેળવવા ફરિયાદી અને તેમના પરિવારને જાનથી મારી નાખવાની ધમકી આપી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ