6 ફોટો ગેલેરી

સુરત / દોઢ વર્ષના માસૂમના ગળામાં ફસાઈ સેફ્ટી પિન, સુરત સિવિલના ડોક્ટરોએ વાઢકાપ વિના અન્નનળીમાંથી કાઢી પિન

Reported By: Nirmal Patel

Last Updated: 01:53 PM, 26 August 2026

FOLLOW ON

શેર કરો

માતા-પિતા માટે ચેતવણી રૂપ કિસ્સો સામે આવ્યો છે. જેમાં દોઢ વર્ષનો બાળક રમતા રમતા અચાનક ખુલ્લી સેફ્ટીપિન ગળી ગયો હતો. જે બાદ બાળકને સિવિલ હોસ્પિટલમાં દાખલ કરવામાં આવ્યો હતો. જ્યાં બાળકની સર્જરી કરવામાં આવી હતી.

1/6

1. સેફ્ટીપિન ગળી લેતાં પરિવારના જીવ તાળવે ચોંટી ગયો

સુરત શહેરના ભેસ્તાન વિસ્તારમાં રમતાં-રમતાં દોઢ વર્ષના બાળકે ખુલ્લી સેફ્ટીપિન ગળી લેતાં પરિવારના જીવ તાળવે ચોંટી ગયો હતો. પિન અન્નનળીના ઉપરના ભાગમાં ફસાઈ ગઈ હતી. જોકે, નવી સિવિલ હોસ્પિટલના ENT વિભાગના તબીબોએ સમયસર સારવાર કરીને કોઈપણ પ્રકારની કાપકૂપ કે ચીરો કર્યા વગર એન્ડોસ્કોપી ટેકનિકથી પિન બહાર કાઢી બાળકનો જીવ બચાવ્યો હતો.

આ તસવીર શેર કરો

2/6

2. સતત રડવા સાથે બાળકને ઊલટીઓ શરૂ થઈ

મૂળ બિહારના વતની અને હાલ ભેસ્તાનમાં રહી કાપડ યુનિટમાં મજૂરીકામ કરતા અરસદ મોહમ્મદ રાયનનો દોઢ વર્ષનો પુત્ર આયન સોમવારે, 24 ઓગસ્ટે સવારે ઘરમાં રમી રહ્યો હતો. રમતી વખતે તેણે જમીન પર પડેલી ખુલ્લી સેફ્ટીપિન ગળી લીધી હતી. થોડા જ સમયમાં બાળક સતત રડવા લાગ્યો હતો અને તેને ઊલટીઓ પણ શરૂ થઈ ગઈ હતી. બાળકે સેફ્ટીપિન ગળી લીધી હોવાની જાણ થતાં પરિવાર ગભરાઈ ગયો હતો અને તેને તાત્કાલિક નવી સિવિલ હોસ્પિટલમાં લઈ આવ્યો હતો.

આ તસવીર શેર કરો

3/6

3. એક્સ-રેમાં અન્નનળીમાં પિન ફસાયેલી દેખાઈ

નવી સિવિલ હોસ્પિટલના ENT વિભાગમાં બાળકનો એક્સ-રે કરવામાં આવતાં અન્નનળીના ઉપરના ભાગમાં ખુલ્લી સેફ્ટીપિન ફસાયેલી હોવાનું સ્પષ્ટ થયું હતું. મામલાની ગંભીરતા ધ્યાનમાં લઈ તબીબોની ટીમે તાત્કાલિક પ્રોસિજર શરૂ કર્યો હતો. એન્ડોસ્કોપી એટલે કે દૂરબીન ટેકનિકની મદદથી ચીપિયાની મદદ વડે આશરે 30થી 45 મિનિટમાં 2 સેન્ટિમીટરની ખુલ્લી સેફ્ટીપિન સુરક્ષિત રીતે બહાર કાઢી લેવામાં આવી હતી. ખાસ વાત એ છે કે આ માટે બાળકના શરીર પર કોઈ ચીરો કે કાપકૂપ કરવાની જરૂર પડી નહોતી.

આ તસવીર શેર કરો

4/6

4. ખાનગી હોસ્પિટલમાં ₹50-60 હજારનો ખર્ચ, સિવિલમાં સારવાર મફત

આ પ્રકારની સારવાર માટે ખાનગી હોસ્પિટલમાં અંદાજે ₹50 હજારથી ₹60 હજાર સુધીનો ખર્ચ થઈ શકે છે. જ્યારે નવી સિવિલ હોસ્પિટલમાં બાળકની આ સારવાર વિનામૂલ્યે કરવામાં આવી હતી.

આ તસવીર શેર કરો

5/6

5. સમયસર હોસ્પિટલ ન લાવ્યા હોત તો ગંભીર જોખમ

તબીબોના જણાવ્યા અનુસાર, તીક્ષ્ણ સેફ્ટીપિન લાંબો સમય અન્નનળીમાં ફસાયેલી રહે તો અન્નનળી અથવા શ્વાસનળીમાં કાણું પડી શકે છે. તેના કારણે ફેફસાંમાં ચેપ ફેલાવા ઉપરાંત શ્વાસ રુંધાવાની સ્થિતિ ઊભી થઈ શકે છે અને બાળકના જીવ સામે ગંભીર જોખમ સર્જાઈ શકે છે.

આ તસવીર શેર કરો

6/6

6. વાલીઓ માટે તબીબોની સલાહ

(1)નાના બાળકોની પહોંચથી સિક્કા, સેલ-બેટરી, સેફ્ટીપિન, સોય, ટાંકણી અને કાનની બુટ્ટી જેવી નાની વસ્તુઓ હંમેશાં દૂર રાખવી.(2) બાળક કોઈ વસ્તુ ગળી જાય તો તેને બળજબરીપૂર્વક ઊલટી કરાવવી નહીં.(3) ઘી, કેળાં કે અન્ય ઘરગથ્થુ ઉપચાર કરવાને બદલે તાત્કાલિક હોસ્પિટલનો સંપર્ક કરવો.(4) ગળવામાં તકલીફ, સતત લાળ ટપકવી, ખાંસી, છાતીમાં દુખાવો અથવા ઊલટી જેવા લક્ષણો દેખાય તો સમય બગાડ્યા વગર તબીબી સારવાર લેવી.

આ તસવીર શેર કરો

સંકળાયેલા મુદ્દાઓ

Surat New Civil Hospital safety pin swallowed by child child swallowed safety pin